ନୟାଗଡ଼, (ବାଘୁଆବାର୍ତ୍ତା): ମହାମାରୀ କରୋନା ଉଜାଡି ଦେଲା ସୁନା ସଂସାର । ଗୋଟିଏ ପରିବାର ୩ଜଣଙ୍କ ମୁଣ୍ଡ ନେଲା ମହାମାରୀ କରୋନା । କରୋନାରେ ପ୍ରଥମେ ସ୍ୱାମୀ ଆକ୍ରାନ୍ତ ହୋଇ ଜୀବନ ଦୀପ ଲିଭିଗଲା ପରେ ସ୍ତ୍ରୀ ମାନସିକ ଭାରସାମ୍ୟ ହରାଇ ଆତ୍ମହତ୍ୟା କରିବା ପରେ ପରେ ତାକୁ ଦେଖି ପୁଅ ମଧ୍ୟ ପାଣିକୁ ଡେଇଁ ପଡି ଆତ୍ମହତ୍ୟା କରିଥିବା ଝଣାପଡିଛି । ଏଭଳି ହୃଦୟ ବିଦାରକ ଖବର ଆସିଛି ମୁମ୍ବାଇ ସହରରେ । ସୂଚନାନୁସାରେ, ତେଲେଙ୍ଗାନାର ୫ଜଣିଆ ସଦସ୍ୟ ମୁମ୍ବାଇର ନାନ୍ଦେଦ ସହର ଠାରୁ ୪୦କି.ମି ଦୂର ଲୋହରରେ ରହୁଥିଲେ । ସୁଖ ଶାନ୍ତିରେ ପରିବାରର ୫ଜଣ ସଦସ୍ୟ ରହୁଥିଲେ । ଅଚାନକ ହସ ଖୁସିର ସଂସାରରେ କରୋନା କାୟା ବିସ୍ତାରି ଥିଲା । ଯାହାଫଳରେ ପରିବାରର ରୋଜଗାରିଆ ପୁଅକୁ କରୋନା ଆକ୍ରାନ୍ତ ହେଲା ପରେ ସ୍ୱାମୀ ଚିନ୍ତାରେ ସ୍ତ୍ରୀ ଭାରସାମ୍ୟ ହରାଇ ନିକଟସ୍ଥ ଏକ ପୋଲ ତଳକୁ ଡେଇଁ ଆତ୍ମହତ୍ୟା କରିଥିଲା । ମାଆ ଡେଇଁ ଥିବାର ଦେଖି ଛୋଟ ଛୁଆ ମଧ୍ୟ ପୋଲ ତଳକୁ ଖସି ପଡି ଜୀବନ ଚାଲିଯାଇଥିଲା । ଯେଉଁ ଦୁଇ ଜଣ ଘରେ ଅଛନ୍ତି ବର୍ତ୍ତମାନ ମରି ମରି ବଞ୍ôଚଥିବା ଲୁହଭରା କଣ୍ଠସ୍ୱରରେ ପୁଅ, ବୋହୂ ଓ ନାତିକୁ ମହାମାରୀ କରୋନା ନେଇଗଲା ବୋଲି ପ୍ରକାଶ କରିଛନ୍ତି । ପୁଲିସ ଏନେଇ ଥାନାରେ ଏକ ମାମଲା ଋଜୁ କରି ତଦନ୍ତ ଆରମ୍ଭ କରିଥିବା ଜଣାପଡିଛି ।
