ଓଡ଼ଗାଁ(ବାଘୁଆବାର୍ତ୍ତା): ଆଗକୁ ନିଦାଘ ଆସୁଛି । ଖରା ବଢ଼ୁଛି, ତାତି ବଢ଼ୁଛି, ତା ସହ ବଢ଼ୁଛି ଜଳସଂକଟ । ଓଡ଼ଗାଁବ୍ଲକ ଅନ୍ତର୍ଗତ ବାଉଁଶିଆଗ୍ରାମରେ ଏଭଳି ଉତ୍କଚ ଜଳସମସ୍ୟା ଦେଖାଇଦେଇଛି।ଯାହା ଫଳରେ ଅଭିନବ ଉପାୟରେ ପ୍ରତିବାଦ କରିଛନ୍ତି ଗ୍ରାମବାସୀ ।ଜଳ ସଙ୍କଟ ଦୂର କରିବା ନିମନ୍ତେ ବହୁବାର ଓଡ଼ଗାଁ ବିଡ଼ିଓ,ଆର.ଡବ୍ଲୁ.ଏସ.ଏସ ,ବ୍ଲକ ଏସଡିଓ , ଜେଇ ଏବଂ ପଞ୍ଚାୟତ ଅଫିସରକୁ ଏ ସମସ୍ୟା ସମ୍ପର୍କରେ ଜଣାଇଥିଲେ ସୁଦ୍ଧା କୌଣସି ସୁଫଳ ମିଳିପାରିନାହିଁ।ଶେଷରେ ଅନ୍ୟ କୌଣସି ପନ୍ଥା ନ ପାଇ ଓଡିଶାର ପ୍ରସିଦ୍ଧ ଶୈବପୀଠ ଲଡୁବାବା ମନ୍ଦିର ସମ୍ମୁଖରେ ଗରା, ବାଲ୍ଟି ଥୋଇ ନିଜର ପ୍ରଭୁଙ୍କୁ ନିଜର ଦୁଃଖ ଜଣାଇଛନ୍ତି।ପୂର୍ବତନ ସମିତି ସଭ୍ୟ କୃଷ୍ଣ ତ୍ରିପାଠୀ,ୱାର୍ଡ ସଭ୍ୟ ପ୍ରସନ୍ନ ଦାସ ,ଗାଁ ସଭାପତି ମାନସ ଦାସ ଏବଂ ଗ୍ରାମବାସୀ ଏହି ପ୍ରତିବାଦରେ ସାମିଲ ଥିଲେ।
