ଓଡ଼ଗାଁ(ବାଘୁଆବାର୍ତ୍ତା): କୁରାଳ ସାଧନ କେନ୍ଦ୍ରସ୍ତରୀୟ ଏକ ଶିକ୍ଷଣ ଫଳାଫଳ କର୍ମଶାଳା କୁରାଳ ଉଚ୍ଚ ବିଦ୍ୟାଳୟ ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି ।ପ୍ରଧାନ ଶିକ୍ଷୟିତ୍ରୀ ଲୋଟସ,ଶିକ୍ଷକ ସୁଶାନ୍ତ କୁମାର ମିଶ୍ର ଏବଂ ଶିକ୍ଷୟିତ୍ରୀ ଟୁନି ଦେବୀ ପ୍ରଭୁଙ୍କ ନିକଟରେ ଦୀପ ପ୍ରଜ୍ବଳନ କରି କର୍ମଶାଳାର ଅୟମାରମ୍ଭ କରିଥିଲେ।ସାଧନକର୍ମୀ ସନ୍ତୋଷ କୁମାର ସାହୁଙ୍କ ଦ୍ୱାରା ଶିକ୍ଷଣ ଫଳାଫଳ କଣ? ଶ୍ରେଣୀଭିନ୍ନତା ଭିତ୍ତିରେ ଶିକ୍ଷଣ ଫଳାଫଳକୁ ପାଠ୍ୟପୁସ୍ତକ ସହିତ ସଂଯୋଗୀକରଣ ଏବଂ ପାଠ୍ୟ ବହି ବହିର୍ଭୁତ ପ୍ରଶ୍ନପତ୍ର କିନ୍ତୁ ଶିକ୍ଷଣ ଫଳାଫଳଭିତ୍ତିକ ପ୍ରଶ୍ନ ପ୍ରସ୍ତୁତି ପାଇଁ ସୂଚନା ଦେଇଥିଲେ।ଆଜିର କାର୍ଯ୍ୟକ୍ରମରେ ୧୧ଟି ବିଦ୍ୟାଳୟରୁ ୩୫ଜଣ ଶିକ୍ଷକ ଶିକ୍ଷୟିତ୍ରୀ ଯୋଗ ଦେଇ Teaching learning material ଏବଂ ପ୍ରଶ୍ନପତ୍ର ପ୍ରସ୍ତୁତି କରିଥିଲେ।ଦଣ୍ଡୋର ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷକ ଯଶୋବନ୍ତ ପଟ୍ଟନାୟକ,ଡହଙ୍ଗୀ ଉ.ପ୍ରା ବିଦ୍ୟାଳୟର ଆନନ୍ଦଚନ୍ଦ୍ର ସାହୁ,ମଦନପୁର ପ୍ରାଥମିକ ଶିକ୍ଷକ ସୁଶାନ୍ତ କୁମାର ମିଶ୍ର ,ହନୁମନ୍ତିଆ ଉ.ପ୍ରା ବିଦ୍ୟାଳୟର ଶିକ୍ଷୟିତ୍ରୀ ପୁଷ୍ପାଞ୍ଜଳି ସାହୁ ,ନାଉରିଆଗୋଡା ପ୍ରାଥମିକ ବିଦ୍ୟାଳୟର ଶିକ୍ଷକ ମହନ୍ତ ସେଠି ଶିକ୍ଷଣ ଫଳାଫଳକୁ ସଂଯୋଗ କରି ନିଜନିଜର ପ୍ରଶ୍ନପତ୍ରଗୁଡିକୁ ଉପସ୍ଥାପନ କରିଥିଲେ ।ପ୍ରଶ୍ନପତ୍ର ଗୁଡ଼ିକ ବହୁତ ଉଚ୍ଚକୋଟିର ଥିବା ସ୍ଥଳେ ସମସ୍ତଙ୍କୁ କରତାଳି ଦେଇ ଉତ୍ସାହିତ କରାଯାଇଥିଲା।
କମ ଖର୍ଚ୍ଚରେ କିପରି ଟି.ଏଲ.ଏମ ପ୍ରସ୍ତୁତି ଏବଂ ସଂଗ୍ରହ କରାଯିବ ସେଥିନିମନ୍ତେ ଆଲୋଚନା ମଧ୍ୟ କରାଯାଇଥିଲା।ସମସ୍ତ କାର୍ଯ୍ୟକ୍ରମକୁ ଆଞ୍ଚଳିକ ସାଧନକର୍ମୀ ସନ୍ତୋଷ କୁମାର ସାହୁ ପରିଚାଳନା କରିବା ସହ ସମସ୍ତଙ୍କୁ ଧନ୍ୟବାଦ ଦେଇ କାର୍ଯ୍ୟକ୍ରମକୁ ଉଦଯାପିତ କରିଥିଲେ।
