ଅଳିହା ଗଦାରୁ ଶିଶୁ ଉଦ୍ଧାର

ନୟାଗଡ଼,(ବାଘୁଆବାର୍ତ୍ତା): ପିଆଜ ଅଖାରେ ଗୁଡାଇ ଅଳିହା ଗଦାରେ ପଡିଥିବା ଏକ ନବଜାତ ଶିଶୁପୁତ୍ର ଉଦ୍ଧାର କରାଯାଇଛି । କେହି ଏହାକୁ ଜନ୍ମ କରି ଅଳିହା ଗଦାକୁ ଫିଙ୍ଗି ଦେଇଥିବା ନେଇ ଚର୍ଚ୍ଚା ହୋଇଛି । ଏଭଳି ଅଭାବନୀୟ ଘଟଣା ଘଟିଛି ନବରଙ୍ଗପୁର ଜିଲ୍ଲା ଉମରକୋଟ ଅଞ୍ଚଳରେ । ସୂଚନାନୁସାରେ, ଉମରକୋଟ ବିଦ୍ୟୁତ୍ ଅଫିସ୍ ପଛପାଖେ ଥିବା ଶିକ୍ଷକ କଲୋନୀରୁ ଏକ ଅଳିହା ଗଦାକୁ ସବୁଦିନ ପରି ଜଣେ ମହିଳା ଅଳିହା ପକାଇବାକୁ ଯାଇଥିଲେ । ଅଳିହାରେ ପାଣିଥିବାରୁ, ଯେମିତି ଅଳିହା ଗଦାରେ ପଡିଛି ସେମିତି ଅଳିହା ଗଦାରୁ ଶିଶୁ ପିଲାର କାନ୍ଦ ଶୁଭିଥିଲା । ମହିଳା ଜଣକ ଚମକି ପଡି ସାହି ପଡିଶାଙ୍କୁ ଡାକି ଯାଇ ଦେଖନ୍ତି ତ ଏକ ପିଆଜ ଅଖାରେ ଶିଶୁପତ୍ର ଗୁଡା ହୋଇ ପଡିଛି । ଉକ୍ତ ମହିଳାମାନେ ଶିଶୁପତ୍ରକୁ ଉଦ୍ଧାର କରିଥିଲେ । ଶିଶୁ ପିଲାଟିର ଦେହସାରା ପିମ୍ପୁଡି ଲାଗି ଯାଇଥିଲେ । ସେମାନେ ତୁରନ୍ତ ଉମରକୋଟ ମେଡିକାଲରେ ଭର୍ତ୍ତି କରାଯାଇଛି । ଶିଶୁ ହସ୍ପିଟାଲରେ ପହଞ୍ôଚବା ପରେ ଶିଶୁ ବିଶେଷଜ୍ଞ ଡ଼ ସନ୍ତୋଷ କୁମାର ପଣ୍ଡା ଶିଶୁଟିକୁ ଚିକିତ୍ସା କରୁଛନ୍ତି । ତେବେ ଶିଶୁର ଅବସ୍ଥାରେ ଉନ୍ନତି ଆସିଥିବା କହିଛନ୍ତି ଡ଼ ପଣ୍ଡା ।
ଉ