ନୟାଗଡ଼,(ବାଘୁଆବାର୍ତ୍ତା): ସାଂଘାତିକ ହେଲା ଶାଳୀର ଦୁଷ୍ଟାମୀ । ସେଥିପାଇଁ ଭିଣୋଇ ଟେନସନରେ ପଡିଛନ୍ତି । ଯାହାଫଳରେ ଭିଣୋଇ ଥାନାର ଦ୍ୱାରସ୍ଥ ହୋଇଥିବା ଜଣାପଡିଛି । ସୂଚନାନୁସାରେ, ଢେଙ୍କାନାଳ ଜିଲ୍ଲା ମୋଟଙ୍ଗା ଥାନା ଅଞ୍ଚଳର ଜଣେ ବ୍ୟକ୍ତି ବଅଁରପାଳ ଥାନା ଗୋତମରା ଗାଁରେ ଘର ରହିଛି । ଏଥିରୁ କିଛି ଘର ଭଡ଼ା ଲାଗିଥିବା ବେଳେ ଆଉଏକ ଘରେ ତାଙ୍କ ଶାଳୀ ରହୁଥିଲେ । ଶାଳୀଙ୍କର ନିଜସ୍ୱ ଘର ନଥିବା ବେଳେ ସେ ଏଠାରେ ରହୁଥିଲେ ଏବଂ ଭଡ଼ା ନେଇଥିବା ବ୍ୟକ୍ତିଙ୍କ ଠାରୁ ଘର ଭଡ଼ା ଆଦାୟ କରି ଭିଣୋଇଙ୍କୁ ଦେଉଥିଲେ । ୪ମାସର ଭର ଭଡ଼ା ଦେବା ପରେ ଆଉ ୩୭ମାସର ଭିଣୋଇ ଶାଳୀକୁ ମାଗିବାରୁ ଶାଳୀ ଦେଇନଥିଲେ । ବରଂ ଓଲଟା ୩୦ଲକ୍ଷ ନଦେଲେ ଅନ୍ୟ ଜଣେ ମହିଳାଙ୍କ ସହିତ ଭିଣୋଇଙ୍କ ଅଶ୍ଲୀଳ ଭିଡ଼ିଓ ଭାଇରାଲ କରିଦେବି ବୋଲି ଧମକ୍ ଦେଇଥିଲେ । ଯାହାକି ଭିଣୋଇକୁ ଶାଳୀ ବ୍ଲାକ୍ ମେଲିଂ କରୁଥିଲେ । ତେବେ ଶାଳୀର ଏଭଳି ଦୁଷ୍ଟାମୀରେ ଭିଣୋଇ ଟେନସନ୍ ହୋଇ ଶେଷରେ ପୁଲିସର ଦ୍ୱାରସ୍ଥ ହୋଇଥିଲେ ।
