ସିନ୍ଦୂର ସାଜିଲା କଳଙ୍କ ଟିକା

ଭୁବନେଶ୍ୱର,(ବାଘୁଆବାର୍ତ୍ତା): ପ୍ରେମ କରି ଉଭୟ ବିବାହ କରିଥିଲୁ । ବିବାହର ୭ବର୍ଷ ବିତିଯାଇ ଥିଲେ ମଧ୍ୟ ଦୀର୍ଘ ୫ବର୍ଷ ଧରି ନିର୍ଯ୍ୟାତନାର ଶିକାର ହୋଇଛି । ନିର୍ଯ୍ୟାତନା ଏପରି ଥିଲା ଯେ, ଭଲ ପାଇ ଯାହାକୁ ବିବାହ କରିଥିଲି, ସେ ମୋରେ ଲଗାଇ ଦେଲା ପରପୁରୁଷ ପାଖରେ । ଯଦି ରାଯି ହେଉନଥିଲି ବିଭିନ୍ନ ସମୟରେ ବିଭିନ୍ନ ପ୍ରକାରର ନିର୍ଯ୍ୟାତନା ଶିକାର ହୋଇଛି ବୋଲି ଜଣେ ମହିଳା ଆଜି ଲୁହଭରା କଣ୍ଠସ୍ୱରରେ ଥାନା ବାବୁଙ୍କ ସମ୍ମୁଖରେ ଅଭିଯୋଗ କରିଛି । ଯେଉଁଥି ପାଇଁ କୁହାଯାଇଛି ସିନ୍ଦୂର ସାଜିଲା କଳଙ୍କ ଟିକା । ଏଭଳି ଅଭିଯୋଗ ଆସିଛି ଚନ୍ଦ୍ରଶେଖପୁର ପଦ୍ମାବତୀ ବିହାର ଅଂଚଳରୁ ଆସିଛି । ସୂଚନାନୁସାରେ, ଭୁବନେଶ୍ୱର ଚନ୍ଦ୍ରଶେଖରପୁର ଅଂଚଳକୁ କାମ ଖୋଜିବା ପାଇଁ କନ୍ଧମାଳ ଜିଲ୍ଲା ତୁମୁଡ଼ିବନ୍ଧ ଅଂଚଳରୁ ଜଣେ ମହିଳା ୧୦ବର୍ଷ ତଳେ କାମ କରିବା ପାଇଁ ଆସିଥିଲେ । ସେଠାରେ କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ଡାମପୁର ଅଞ୍ଚଳର ଅଭିଯୁକ୍ତ ଚନ୍ଦନ ଆଚାର୍ଯ୍ୟଙ୍କ ସହିତ ଭେଟ ହୋଇଥିଲା । ସେତେବେଳେ ଅଭିଯୁକ୍ତ ଚନ୍ଦନ ଚନ୍ଦ୍ରଶେଖରପୁର ପଦ୍ମାବତୀ ଅଞ୍ଚଳରେ ଅଟୋ ଚଲାଉଥିଲେ । ଚନ୍ଦନଙ୍କ ସହିତ କଥାବାର୍ତ୍ତାରୁ ଉଭୟଙ୍କ ମଧ୍ୟରେ ପ୍ରେମ ସଂପର୍କ ଗଢି ଉଠିଥିଲା । ତା’ପରେ ଉଭୟଙ୍କ ବିବାହ ହୋଇଥିଲା । ବିବାହର ୨ବର୍ଷ ପର୍ଯ୍ୟନ୍ତ ସେମାନଙ୍କ ସଂସାର ଠିକ୍ ଚାଲିଥିଲା । ତା’ପରେ ଭଲ ପାଇ ବିବାହ କରିଥିବା ନିଜ ସ୍ତ୍ରୀକୁ ଜୋର ଜବରଦସ୍ତି ଦେହ ବେପାରରେ ଲଗାଇଥିଲେ । ଯଦି ମନା କରୁଥିଲେ ବିଭିନ୍ନ ପ୍ରକାରର ନିର୍ଯ୍ୟତନା ମିଳୁଥିଲା । ଘରୁ ବାହାରକୁ ଛାଡି ନଥିଲେ । ଏପରି ଭାବେ ଦୀର୍ଘ ୭ବର୍ଷ ଧରି ଘର ଭିତରେ ନିଜ ସ୍ତ୍ରୀକୁ ରଖି ସେକ୍ସ ର୍ୟାକେଟ୍ ଚଲାଇଥିଲେ । ତେଣୁ ପିଡିତାଙ୍କ ମା ଆଜି ଚନ୍ଦ୍ରଶେଖରପୁର ଥାନାରେ ଅଭିଯୋଗ କଲା ପରେ ପୁଲିସ ଘଟଣାସ୍ଥଳରେ ପହଞ୍ôଚ ପିଡିତାକୁ ଉଦ୍ଧାର କରିଥିବା ସୂଚନା ମିଳିଛି ।