ନୟାଗଡ଼,(ବାଘୁଆବାର୍ତ୍ତା): ପ୍ରେମ କରିଥିଲୁ ସେଥିପାଇଁ ଘରକୁ ପର କଲି । ପ୍ରେମକୁ ବିଶ୍ୱାସ କରି ହାତ ଧରିଲି । ସେ ମୋ ମଥାରେ ସିନ୍ଦୂର ଭରିଦେଲେ, ହାତରେ ଚୁଡ଼ି ପିନ୍ଧାଇ ଦେଇ, ମନ୍ଦିରରେ ବିବାହ କଲେ । ହେଲେ ଏସବୁ ସରିବା ପରେ ମୋତେ ଆଉ ଧରା ଦେଉନାହାନ୍ତି । ଏବେ ମୁଁ କୋଉ କୁଳର ହେବି । କୋଉଠି ରହିବି । ଏପରି କହି କୋହଭରା କଣ୍ଠରେ ଦୁଃଖ ବଖାଣିଛନ୍ତି ଜଣେ ନବମ ଶ୍ରେଣୀ ଛାତ୍ରୀ । ଛାତ୍ରୀ ଜଣକ ପଢୁଥିବା ସ୍କୁଲର ଜଣେ ଶିକ୍ଷକ ୨ବର୍ଷ ହେଲା ଛାତ୍ରୀଙ୍କୁ କାବୁକରି ଭଲ ପାଇଥିଲେ । ତାହାର ସୁଯୋଗ ନେଇ ଶିକ୍ଷକ ଜଣକ ଛାତ୍ରୀଙ୍କ ସହିତ ଶାରୀରିକ ସଂପର୍କ ରଖିଥିଲେ ବୋଲି ଛାତ୍ରୀଙ୍କ ପରିବାର ଲୋକ ଥାନାରେ ଅଭିଯୋଗ କରିଛନ୍ତି । ଏଭଳି ଘଟଣା ଘଟିଛି କଳାହାଣ୍ଡି ମଦନପୁର ଅଞ୍ଚଳରେ । ସୂଚନାନୁସାରେ, କଳାହାଣ୍ଡି ଜିଲ୍ଲା ମଦନପୁର ରାମପୁର ଅଞ୍ଚଳର ଜଣେ ନବମ ଶ୍ରେଣୀ ଛାତ୍ରୀକୁ ସେହି ସ୍କୁଲର ଜଣେ ଶିକ୍ଷକ ଅପହରଣ ଚଳିତ ମାସ ୭ତାରିଖ ଦିନ ଅପହରଣ କରି ନେଇଥିଲେ । ଏନେଇ ନାବାଳିକାଙ୍କ ପରିବାର ପକ୍ଷରୁ ଥାନାରେ ଅଭିଯୋଗ ହେବା ପରେ ପୁଲିସ ବହୁ ଖୋଜାଖୋଜି ଆରମ୍ଭ କରିଥିଲା । ଛାତ୍ରୀ ପାଖରେ ପୁଲିସ ପହଞ୍ôଚ ଉଦ୍ଧାର କରିଥିଲା ଏବଂ ଟିକିନିକି ଖବର ସଂଗ୍ରହ କରିଥିଲା । ଛାତ୍ରୀଙ୍କ କହିବା ଅନୁସାରେ, ଶିକ୍ଷକ ଜଣକ ତାଙ୍କୁ ନେଇ ଏକ ଗାଁରେ ଘରଭଡ଼ା ନେଇ ୩ଦିନ ରଖିଥିଲେ । ମନ୍ଦିରରେ ସେମାନେ ବିବାହ କରିଥିଲେ । ତା’ଆଉ ଗୋଟିଏ ଦିନ ଅନ୍ୟ ଏକ ସ୍ଥାନରେ ରଖିଥିଲେ । ଏହାପରେ ବାଇକ ଯୋଗେ ଭୁବନେଶ୍ୱର ଯାଇଥିଲେ । ସେଠାରେ ଶିକ୍ଷକ ଜଣଙ୍କ ତାଙ୍କୁ ବରମୁଣ୍ଡା ବସଷ୍ଟାଣ୍ଡକୁ ନେଇ ଟିକେଟ କରି ବସରେ ବସାଇ ଦେଇ, ଫେରିବେ ବୋଲି କହିଥିଲେ । ହେଲେ ତା’ପର ଠୁ ତାଙ୍କ ମୋବାଇଲ ଅଫ୍ ଅଛି । ଛାତ୍ରୀ ଜଣକ ଭୁବନେଶ୍ୱରରୁ ଆସି ଶିକ୍ଷକ ରହୁଥିବା ଘରେ ଯାଇ ପହଞ୍ôଚବା ପରେ ପୁଲିସ ତାଙ୍କୁ ଉଦ୍ଧାର କରିଥିଲା ବୋଲି ପୁଲିସ ଆଗରେ କହିଥିଲେ । ଏନେଇ ଛାତ୍ରୀ ଜଣକ ମଧ୍ୟ ଉକ୍ତ ଶିକ୍ଷକଙ୍କ ନାମରେ ଅଭିଯୋଗ କରିବା ପରେ ରାମପୁର ପୁଲିସ ମାମଲା ଋଜୁ କରି ତଦନ୍ତ ଆରମ୍ଭ କରିଛି । ପ୍ରାଥମିକ ତଦନ୍ତରୁ ଶିକ୍ଷକ ଜଣଙ୍କ ଖୋର୍ଦ୍ଧା ଜିଲ୍ଲା ବୋଲଗଡ଼ ଅଞ୍ଚଳର ହୋଇଥିବା ବେଳେ ସେ ବିବାହିତ ଓ ତାଙ୍କର ୨ଟି ଛୁଆ ଥିବା ଜଣାପଡିଛି । ନାବାଳିକାର ଅଭିଯୋଗରେ ମାମଲା ଋଜୁ କରାଯାଇଛି । ନାବାଳିକା ଛାତ୍ରୀର ଡାକ୍ତରୀମାଇନା କରାଯାଇଛି । ଅଭିଯୁକ୍ତକୁ ଖୋଜା ଚାଲିଛି ବୋଲି କଳାହାଣ୍ଡି ଏସପି ପ୍ରକାଶ କରିଛନ୍ତି ।
