ନୟାଗଡ଼, (ବାଘୁଆବାର୍ତ୍ତା): ଇଟାମାଟିରୁ ଭୁବନେଶ୍ୱର ଯାଇ ରକ୍ତଦାନ କରି ଦେଖାଇଲେ ମହାନତା । ଜଣେ କର୍କଟ ରୋଗୀଙ୍କ ପାଇଁ ରକ୍ତର ଆବଶ୍ୟକତା ଥିଲା । ଭୁବନେଶ୍ୱର ରେଡକ୍ରସ ବ୍ଲଡ଼ ବ୍ୟାଙ୍କରେ ରକ୍ତର ଅଭାବ ଥିଲା । ସେଥିପାଇଁ ରକ୍ତଦାତା ନହେଲେ ରକ୍ତଦେଇ ହେବ ନାହିଁ ବୋଲି କହିଥିଲେ ।
ବ୍ଲଡ଼ ବ୍ୟାଙ୍କ କର୍ମଚାରୀଙ୍କ କଥା ଶୁଣିବା ପରେ ରୋଗୀର ସଂମ୍ପର୍କୀୟଙ୍କ ପାଦ ତଳୁ ମାଟି ଖସିଯାଇଥିଲା। କେଉଁଠୁ ଯୋଗାଡ଼ କରିବେ ବ୍ଲଡ଼। ବହୁ ଖୋଜାଖୋଜି ପରେ ମଧ୍ୟ ରକ୍ତଦାତା କେହି ମିଳିଲେ ନାହିଁ । ଯୁବ ସାମ୍ବାଦିକ ଜୟେନ୍ଦ୍ର ବେହେରା ଏହି ସୂଚନା ପାଇ ଅନେକଙ୍କୁ ଫୋନ କରି ପଚାରିଥିଲେ । ଶେଷରେ ଅନନ୍ୟା ଫାଉଣ୍ଡେସନର ଆଶୁତୋଷଙ୍କୁ ଯୋଗାଯୋଗ ପରେ ଇଟାମାଟି କୃଷ୍ଣପ୍ରସାଦ ଗାଁର ସୁରେଶ କୁମାର ସାହୁ ରାତି ଅଧରେ ରାଜି ହୋଇଥିଲେ । ଭୁବନେଶ୍ବର ଯାଇ କର୍କଟ ପୀଡ଼ିତଙ୍କୁ ରକ୍ତ ଦେବାକୁ ଅନୁରୋଧ କରିଥିଲେ । ବିଳମ୍ବିତ ରାତିରେ କିଛି ନ ଭାବି ହଁ କରିଦେଇଥିଲେ ସୁରେଶ । ଇଟାମାଟିରେ ଥିବା ନିଜ ଚା’ ଦୋକାନ ବନ୍ଦ କରି ସକାଳୁ ସକାଳୁ ବାହାରି ଯାଇ ଭୁବନେଶ୍ୱରରେ ପହଞ୍ଚିଲେ । କ୍ଷୀର ପକେଟ ଏବଂ ଦିନଯାକର ରୋଜଗାର ବନ୍ଦ ହେଉ ପଛେ ଜଣଙ୍କ ଜୀବନ ବଞ୍ଚିଯାଉ । ରକ୍ତ ଦେବା ପରେ ରୋଗୀଙ୍କ ସମ୍ପର୍କୀୟଙ୍କ ମୁହଁରେ ଯୋଉ ଅନାବିଳ ସ୍ନେହ ଟିକକ ଦେଖନ୍ତି ସେଥିରେ ତାଙ୍କ ପେଟ ପୁରୀ ଯାଏ ବୋଲି ସେ କହିଛନ୍ତି । ତେବେ ଏଭଳି ମହାନତା ତାଙ୍କର ନୂଆ ନୁହେଁ । ପୂର୍ବରୁ ସେ ପ୍ରାୟ ୨୧ଥର ଦେଇ ଅନ୍ୟମାନଙ୍କ ଜୀବନ ବଞ୍ଚାଇଛନ୍ତି । ତାଙ୍କର ଏଭଳି ମହାନତା ଏବେ ଅନ୍ୟମାନଙ୍କ ପାଇଁ ଉଦାହରଣ ସାଜିଛି ।
ରୋଗୀଙ୍କ ପାଇଁ ଦେବଦୂତ ସାଜିଲେ ସୁରେଶ:ରୋଗୀଙ୍କ ପାଇଁ ଇଟାମାଟିରୁ ଭୁବନେଶ୍ବର ଯାତ୍ରା
