ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଏଏସପି ଜ୍ଯୋତି ରଞ୍ଜନ ସମାନ୍ତରାୟଙ୍କ ମହାନତା ଦେଖିବାକୁ ମିଳିଛି। ଦୂର୍ଘଟଣାରେ ଗୁରୁତର ଆହତ ହୋଇଥିବା ବ୍ୟକ୍ତି ବିଶେଷଙ୍କୁ ନିଜ ପୋଲିସ୍ ଗାଡ଼ିରେ ମେଡିକାଲ୍ ନେଇ ଚିକିତ୍ସା କରାଇଥିବା ଜଣାପଡ଼ିଛି। ସୂଚନାନୁସାରେ, ନୟାଗଡ଼ ଏଏସପି ଜ୍ଯୋତି ରଞ୍ଜନ ସମାନ୍ତରାୟ କୌଣସି କାମରେ ଶରଣକୂଳ ଅଭିମୁଖେ ଯାଇଥିଲେ। କାମ ସାରି ଫେରୁଥିଲେ ।
ତେବେ ଶରଣକୂଳ ଥାନା ଅନ୍ତର୍ଗତ ଗୋତିସାହି ନିକଟରେ ଏକ ଦୁର୍ଘଟଣା ଘଟି ବାପା ମାଆ ଛୁଆ ତିନିଜଣ ଗୁରୁତର ଆହତ ହୋଇ ଛଟପଟ ହେଉଥିଲେ। ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ ଅଞ୍ଚଳର ଜଗନ୍ନାଥ ପ୍ରଧାନ, ଧର୍ମପତ୍ନୀ ଲିଲି ପ୍ରଧାନ ଓ ନାବାଳିକା ଝିଅ ଦୁର୍ଘଟଣା ଆହାତ ହୋଇଥିବା ବେଳେ ଦୁର୍ଘଟଣା ଆହାତ ହୋଇଥିବା ସେହି ସମୟରେ ସୁରକ୍ଷା ଦାତା ସାଜି ପହଞ୍ଚିଥିଲେ ନୟାଗଡ଼ ଏଏସପି ଶ୍ରୀଯୁକ୍ତ ସମାନ୍ତରାୟ। ସେମାନଙ୍କ ପାଖକୁ ଯାଇ ଲୋକଙ୍କ ସାହାଯ୍ୟରେ ରକ୍ତ ଜୁଡୁବୁଡୁ ଅବସ୍ଥାରେ ନିଜ ସରକାରୀ ଗାଡ଼ିରେ ଆଣି ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରି ଚିକିତ୍ସା କରାଇଥିଲେ। ଏଏସପି ଶ୍ରୀଯୁକ୍ତ ସମାନ୍ତରାୟଙ୍କ ଏଭଳି କାର୍ଯ୍ୟ ପାଇଁ ଆଜି ନୟାଗଡ଼ ପୋଲିସକୁ ସାଧାରଣ ଲୋକ ପ୍ରସଂଶା କରିବା ସହ ଏଏସପି ଜ୍ଯୋତି ରଞ୍ଜନ ସାମନ୍ତରାୟଙ୍କୁ ଧନ୍ୟବାଦ ଓ କୃତଜ୍ଞତା ଜ୍ଞାପନ ଜଣାଇଛନ୍ତି।
