କାମ କରିବାକୁ ଯାଇ ବାଙ୍ଗାଲୋରରେ ନିଖୋଜ ଯୁବକ

ନୟାଗଡ଼,(ବାଘୁଆବାର୍ତ୍ତା): ଦାଦନ ଖଟିବାକୁ ଯାଇ ବାଙ୍ଗାଲୋରୁ ଜଣେ ଯୁବକ ନିଖୋଜକୁ ନେଇ ଜିଲ୍ଲାରେ ଆଲୋଡ଼ନ ସୃଷ୍ଟି ହୋଇଛି । ଯୁବକଙ୍କୁ ହତ୍ୟା କରାଯାଇଥିବା ସନ୍ଦେହ କରି ପରିବାର ଲୋକେ ପୁଲିସ ଓ ଶ୍ରମ ବିଭାଗ ସହାୟତା ଲୋଡ଼ିଛନ୍ତି । ଏନେଇ ଶରଣକୁଳ ଥାନାରେ ଏକ ନିଖୋଜ ମାମଲା ରୁଜୁ ହୋଇଛି । ନୟାଗଡ଼ ଜିଲ୍ଲା ଓଡ଼ଗାଁ ବ୍ଲକ ହରିହରପୁର ପଞ୍ଚାୟତ ହରିହରପୁର ଗ୍ରାମର ଯୋଗି ପ୍ରଧାନଙ୍କ ପୁଅ କାହ୍ନୁ ଚରଣ ପ୍ରଧାନକୁ କର୍ଣ୍ଣାଟକ ରାଜ୍ୟ ବାଙ୍ଗାଲୋରର ଏକ ଘରୋଇ କମ୍ପାନୀରେ କାମ କରିବାକୁ ଗତ ୬ ତାରିଖରେ ଗାଁରୁ ଯାଇଥିଲେ । ସେଠାରେ କିଛି ଦିନ କାମ କରିବା ପରେ କୈାଣସି କାରଣରୁ କାହ୍ନୁଙ୍କୁ ବାଙ୍ଗାଲୋର ଡାକି ନେଇଥିବା ପ୍ରିୟବ୍ରତ ସହ ତାର ଝଗଡା ଲାଗିଥିଲା । କାହ୍ନୁ ଆହତ ହୋଇଥିବାର ଭିଡିଓ ଯୋଗୀ ପ୍ରଧାନଙ୍କ ପରିବାର ଲୋକଙ୍କ ପାଖରେ ପହଞ୍ôଚଥିଲା । କାହ୍ନୁଠାରୁ ତାର ବାପାମାଆ ଫୋନରେ ଘଟଣା ଶୁଣି ତାକୁ ବୁଝାସୁଝା କରିଥିଲେ । ଘଟଣା ପରେ କାହ୍ନୁକୁ ପ୍ରିୟବ୍ରତ ପାଖରେ ନରଖି ସେହି ଗ୍ରାମର ଶୁଭେନ ଜେନା ଓରଫ ରାକେଶଙ୍କ ପାଖରେ ଛାଡ଼ି ଦେଇଥିଲା । ଗତ ରବିବାର ସକାଳେ ଯୋଗୀ ପ୍ରଧାନଙ୍କ ପୁତୁରା ପାଖକୁ ରାକେଶ ଫୋନ କରି କହିଲା, କାହ୍ନୁ ଗାଁକୁ ଯିବାକୁ କହିବାରୁ ତାକୁ କିଛି ନଗଦ ଟଙ୍କା ଏବଂ ତାର ଫୋନ ପେକୁ କିଛି ପଠାଇ ରେଲଓ୍ୱେ ଷ୍ଟେସନ ଯିବାକୁ ଏକ ବସରେ ବସାଇ ଦେଇଥିବା କହିଥିଲେ । କାହ୍ନୁ ପାଖକୁ ଫୋନ କରିବାରେ କୈାଣସି ଉତ୍ତର ମିଳି ନଥିଲା । କାହ୍ନୁ ରାକେଶ ରୁମରେ ଫୋନ ଛାଡି ଦେଇ ଆସି ଥିବା ଅପରାହ୍ନରେ ସେଠାରୁ ଜାଣିବା ପରେ ପରିବାର ଲୋକଙ୍କ ମନରେ ସନ୍ଦେହ ଆସିଥିଲା । କାହ୍ନୁର ବାପା ମାଆ ପୁଅ ନିଖୋଜ ହୋଇଥିବା ଶରଣକୁଳ ଥାନାରେ ଲିଖିତ ଅଭିଯୋଗ କରିଛନ୍ତି ।