ନୟାଗଡ଼,(ବାଘୁଆବାର୍ତ୍ତା): ସଣ୍ଡେ ଆର୍ଟ ଆଣ୍ଡ କ୍ରାଫ୍ଟ ସ୍କୁଲ୍ ଏବଂ ନୟାଗଡ଼ ବିକାଶ ପରିଷଦର ମିଳିତ ଆନୁକୁଲ୍ୟରେ ବିଶ୍ଵ ସଙ୍ଗୀତ ଦିବସ ଆନନ୍ଦ ଉତ୍ସାହ ମଧ୍ୟରେ ପାଳିତ ହୋଇଯାଇଛି । ମୁଖ୍ୟ ଅତିଥି ଭାବେ ବରିଷ୍ଠ ସଙ୍ଗୀତଜ୍ଞ ପ୍ରଦୀପ୍ତ କୁମାର ପଟ୍ଟନାୟକ କହିଲେ ଯେ, ମନୋରଞ୍ଜନ କେବଳ ସଙ୍ଗୀତର ଉତ୍ସ ନୁହେଁ ବରଂ ଏଥିରେ ପ୍ରତିଫଳିତ ହୋଇଥାଏ ସମାଜର ସଂସ୍କୃତି, ଚାଲିଚଳନ, ପରମ୍ପରା, ରୁଚି ଓ ସ୍ଥିତି । ସେ ପୁଣି କହିଲେ ଯେ ଓଡ଼ିଆ ସଂଗୀତର ମାନ ଓ ସ୍ବାଦ, ବିବର୍ତ୍ତନ ଆଳ ରେ ଅବକ୍ଷୟ ହେଉଛି ବୋଲି କ୍ଷୋଭ ପ୍ରକାଶ କରିଥିଲେ । ଗୁରୁ ଆକାଶ ରଞ୍ଜୀବ ବିଶ୍ଵାଳଙ୍କ ତତ୍ତ୍ଵାବଧାନରେରେ ବିଭିନ୍ନ ରାଗ ରାଗିଣୀ ଉପରେ ସଙ୍ଗୀତ ପରିବେଷଣ କରାଯାଇଥିଲା । ସସ୍ମିତା, ଭାରତୀ, ବିଷ୍ଣୁପ୍ରିୟା, ବର୍ଷା, ସ୍ନେହା, ଆଦିତ୍ୟ, ପ୍ରତୀକ୍ଷା, ବିଭୁ ଓ ଆଲୋକ ଇତ୍ୟାଦି ଉଚ୍ଚାଙ୍ଗ ସଙ୍ଗୀତ ପରିବେଷଣ କରି ଦର୍ଶକ ମାନଙ୍କୁ ବିମୁଗ୍ଧ କରିଥିଲେ । କି ବୋର୍ଡରେ ରତିକାନ୍ତ ତ୍ରିପାଠୀ, ହର୍ମୋନୀୟମରେ ଆକାଶ ରଞ୍ଜୀବ ବିଶ୍ଵାଳ ଓ ତବଲାରେ ଲଲିତ କୁମାର କର ସହଯୋଗ କରିଥିଲେ । ହାୱାଇ ଗିଟାରରେ ବିଶ୍ଵମୋହନ ମିଶ୍ର ଶାସ୍ତ୍ରୀୟ ସଙ୍ଗୀତ ପରିବେଷଣ କରିଥିଲେ । ବିଭୁପ୍ରସାଦ ଶତପଥୀ ମଞ୍ଚ ପରିଚଳନା କରିଥିଲେ। ପରିଶେଷରେ ଅନୁଷ୍ଠାନର ସମ୍ପାଦକ ପ୍ରଶାନ୍ତ କୁମାର ସାମନ୍ତରାୟ ଧନ୍ୟବାଦ ଅର୍ପଣ କରିଥିଲେ ।
