ନୟାଗଡ଼, (ବାଘୁଆବର୍ତ୍ତା): ଇଂରାଜୀ ବିଭାଗର ମୁଖ୍ୟ ବିଶିଷ୍ଠ ଶିକ୍ଷାବିତ ସ୍ବର୍ଗତ ରଜନୀକାନ୍ତ ମିଶ୍ରଙ୍କ ୬୯ତମ ଜନ୍ମବାର୍ଷିକ ରଜନୀକାନ୍ତ ମିଶ୍ର ସ୍ମୃତି ସଂସଦ, ନୟାଗଡ଼ ତରଫରୁ ସ୍ଥାନୀୟ ବରିଷ୍ଠ ନାଗରିକ ମଞ୍ଚ ସଭାଗୃହ କକ୍ଷରେ ପାଳନ କରାଯାଇଛି | ଏହି ଉପଲକ୍ଷେ “ଶିକ୍ଷାର ବିକଳ୍ପ ନାହିଁ ” ଶୀର୍ଷକ ଏକ ପାଠଚକ୍ର ଅନୁଷ୍ଠିତ ହୋଇଥିଲା | ଏଥିରେ ବରିଷ୍ଠ ସରକାରୀ ଓକିଲ ଦଣ୍ଡପାଣି ସ୍ୱାଇଁ ମୁଖ୍ୟଅତିଥି ଭାବେ ଯୋଗ ଦେଇଥିବାବେଳେ ସମ୍ମାନୀତ ଅତିଥିଭାବେ ଯୋଗଦେଇଥିଲେ ବରିଷ୍ଠ ନାଗରିକମଞ୍ଚର ସଭାପତି ତଥା ବରିଷ୍ଠ ଆଇନଜୀବୀ ପ୍ରତାପ କୁମାର ନନ୍ଦ | ସଭାରେ ସଭାପତିତ୍ୱ କରିଥିଲେ ପ୍ରାକ୍ତନ ଅଧକ୍ଷ ଅଶୋକ କୁମାର ନାୟକ | ଏହି ପରିପ୍ରେକ୍ଷୀରେ ଜିଲ୍ଲା ସ୍ତରୀୟ ବିଭିନ୍ନ ସ୍କୁଲ, କଲେଜ ଛାତ୍ରଛାତ୍ରୀଙ୍କୁ ନେଇ ବକୃତା ଓ କୁଇଜ ପ୍ରତିଯୋଗିତା ଅନୁଷ୍ଠିତ ହୋଇଥିଲା | ବିଦ୍ୟାବିଜିତା ମହାନ୍ତି ବରିଷ୍ଠ ବିଭାଗ ବକୃତା ପ୍ରତିଯୋଗିତା ଏବଂ କୁଇଜରେ ଟ୍ରଫି ବିଜେତା ହୋଇଥିବା ବେଳେ କନିଷ୍ଠ ବର୍ଗରେ ବିଶ୍ୱବିଜିତା ମହାନ୍ତି ଉଭୟ ବକୃତା ଓ କୁଇଜ ରେ ପ୍ରଥମ ସ୍ଥାନ ଅଧିକାର ପୂର୍ବକ ଟ୍ରଫି ବିଜେତା ହୋଇଥିଲେ | ଉଭୟ ଛାତ୍ରୀ ଦ୍ବୟ ଚମତ୍କାର ବକୃତା ପ୍ରଦାନ କରି ସମସ୍ତଙ୍କ ମନ ଜିଣିଥିଲେ | ନୟାଗଡ଼ ଜିଲ୍ଲାରେ ମାଟ୍ରିକ ଟପର ହୋଇଥିବା ଆଶିଷ କୁମାର ପ୍ରଧାନଙ୍କୁ ସମ୍ବର୍ଦ୍ଧିତ କରାଯିବା ସହିତ ସମାଜସେବା ଓ ଶିକ୍ଷା କ୍ଷେତ୍ରରେ ବ୍ରତୀ ଥିବା ଶ୍ରୀଧର ସାହୁ ଏବଂ ଯୁବ ଗାଳ୍ପିକ ତଥା କବି ଗୋପୀନାଥ ସେଠିଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା |
ଶିକ୍ଷାବିତ ବରିଷ୍ଠ ପ୍ରାଧ୍ୟାପକ ରଜନୀକାନ୍ତ ମିଶ୍ରଙ୍କ ୬୯ତମ ଜନ୍ମବାର୍ଷିକ ପାଳନ
