ରଣପୁର,,(ବାଘୁଆବାର୍ତ୍ତା): ଗତ 10 ତାରିଖରେ ରଣପୁର ଶିକ୍ଷା ବ୍ଲକର ତୃତୀୟ ଓ ପଞ୍ଚମ ଶ୍ରେଣୀ ବୃତ୍ତି ପରୀକ୍ଷା ଫଳ ପ୍ରକାଶିତ ହୋଇଥିଲା l ପ୍ରକାଶିତ ହୋଇଥିବା ବୃତ୍ତି ରେଜଲ୍ଟ ଅନୁଯାୟୀ ତୃତୀୟ ଶ୍ରେଣୀରେ ରଣପୁର ସୁଆଁସିଆ ସାହି ପ୍ରାଥମିକ ବିଦ୍ୟାଳୟର ପ୍ରତୀକ୍ଷା ପ୍ରିୟଦର୍ଶିନୀ ସର୍ବାଧିକ ନମ୍ବର ରଖି ବ୍ଲକ ଟପର ହୋଇଥିବା ଜଣା ପଡିଥିଲା l ଏହି ଖବର ବିଭିନ୍ନ ଗଣ ମାଧ୍ୟମରେ ପ୍ରକାଶିତ ହୋଇଥିଲା l ଏହି ଖବର ଜାଣି ବନ୍ଧୁ ବାନ୍ଧବ, ସାହି ପଡିଶା ସମସ୍ତେ ପ୍ରତୀକ୍ଷା ଙ୍କୁ ଶୁଭେଚ୍ଛା ଜଣାଇ ଥିଲେ l ଆଜି ସନ୍ଧ୍ୟାରେ ସମାଜ ସେବୀ ସିଦ୍ଧାର୍ଥ ପଣ୍ଡା, ପୂର୍ବତନ ଜିଲ୍ଲା ପରିଷଦ ନାରାୟଣ ମହାପାତ୍ର ଓ ପୂର୍ବତନ ବ୍ଲକ ଅଧ୍ୟକ୍ଷ ଇଂ ଦେବାଶିଷ ପଟ୍ଟନାୟକ ପ୍ରତୀକ୍ଷା ଙ୍କ ଶାମୁକା ସାହି ସ୍ଥିତ ଘରକୁ ଆସି ଭେଟି ଶୁଭେଚ୍ଛା ଜଣାଇବା ସହ ଉପହାର ପ୍ରଦାନ କରିଥିଲେ l ଆଗକୁ କିପରି ଅଧିକ ଉନ୍ନତି କରିବେ ସେଥି କିଛି ଉପଦେଶ ମଧ୍ୟ ପ୍ରତୀକ୍ଷାଙ୍କୁ ଦେଇଥିଲେ l ଏହି ସମୟରେ ପ୍ରତୀକ୍ଷାଙ୍କ ମାଆ କନକଲତା ସ୍ୱାଇଁ, ପିତା ଗଙ୍ଗାଧର ମହାରଣା, ବଡ଼-ମାଆ ଜୟନ୍ତୀ ମହାରଣା, ବଡ-ବାପା କୈଳାଶ ମହାରଣା ପ୍ରମୁଖ ଉପସ୍ଥିତ ଥିଲେ l
