ନୟାଗଡ଼,(ବାଘୁଆବାର୍ତ୍ତା): ଯୁକ୍ତ ଦୁଇ ପରୀକ୍ଷା ଫଳ ପ୍ରକାଶ ପାଇବା ପରେ ନୟାଗଡ଼ରେ ଉତ୍ସବର ମାହୋଲ ସୃଷ୍ଟି ହୋଇଛି । ନୟାଗଡ଼ ୟୁନିଟେକ୍ ରେସିଡ଼େନ୍ସିଆଲ କଲେଜର ଛାତ୍ରୀ ସ୍ବର୍ଣ୍ଣରେଖା ମନ୍ତ୍ରୀ ବାଣିଜ୍ୟରେ ରାଜ୍ୟ ଟପ୍ପର ହୋଇଛନ୍ତି । ସମୁଦାୟ ୫୭୯ ନମ୍ବର ତଥା ୯୬,୫ ପ୍ରତିଶତ ନମ୍ବର ରଖି ସେ ଓଡିଶା ଟପର୍ ହୋଇଛନ୍ତି । ଖଣ୍ଡପଡା ବ୍ଲକ ସିଧାମୂଳା ଗାଁର ବାପା ସୁଦର୍ଶନ ମନ୍ତ୍ରୀ ଏବଂ ମା ଲକ୍ଷ୍ମୀଙ୍କ ସାନ ଝିଅ ସ୍ବର୍ଣ୍ଣ ରେଜଲ୍ଟକୁ ନେଇ ଖୁସି ବ୍ୟକ୍ତ କରିବା ସହ ଆଗାମୀ ଦିନରେ କଷ୍ଟ ଆକାଉଣ୍ଟାଣ୍ଟ ହେବାକୁ ଲକ୍ଷ ରଖିଛନ୍ତି। ସାଧାରଣ ପରିବାରରୁ ଆସିଥିବା ସ୍ବର୍ଣ୍ଣଙ୍କ ବାପା ଜଣେ ଦୋକାନ କର୍ମଚାରୀ ହୋଇଥିବା ବେଳେ ମା ଗୃହିଣୀ। ପରୀକ୍ଷା ଫଳକୁ ନେଇ ସ୍ବର୍ଣ୍ଣ ବାପା ମା ଏବଂ କଲେଜ ଶିକ୍ଷକଙ୍କୁ ଶ୍ରେୟ ଦେଇଛନ୍ତି ।
