ସାଇବର ଠକେଇ ମାମଲା; ୨ଜଣ ବ୍ୟକ୍ତିଙ୍କୁ ମିଳିଲା ହରାଇଥିବା ଟଙ୍କା

ଭୁବନେଶ୍ୱର,(ବାଘୁଆବାର୍ତ୍ତା): ସାଇବର କ୍ରାଇମ୍ ହେଲପ୍ ଡେକ୍ସକୁ ମିଳିଛି ସଫଳତା । ସାଇବର ଠକ ଠାରୁ ଛଡେଇ ଆଣିଲେ ଠକିଥିବା ଟଙ୍କା । ସାଇବର ଠକେଇ ଠାରୁ ଆଣିଥିବା ଟଙ୍କା ୨ଜଣ ବ୍ୟକ୍ତିଙ୍କୁ ଏହି ଟଙ୍କା ଦିଆଯାଇଛି । ସୂଚନାନୁସାରେ, ସାଇବର ଠକେଇର ଶିକାର ହୋଇଥିଲେ ଦେବାଶିଷ ମଲ୍ଲିକ ଓ ନରେଶ ମିଶ୍ର । ଏନେଇ ଉଭୟ ସାଇବର କ୍ରାଇମରେ ଅଭିଯୋଗ କରିଥିଲେ । ତେବେ ଭୁବନେଶ୍ୱରର ୟୁପିଡି ସହାୟତାରେ ଉଭୟ ହରାଇଥିବା ଟଙ୍କା ଆଜି ଫେରି ପାଇଛନ୍ତି । ସାଇବର ଠକଙ୍କ ଠାରୁ ସାଇବର ମାଧ୍ୟମରେ ଠକେଇରେ ଶିକାର ହୋଇଥିବା ଟଙ୍କା ସାଇବର କ୍ରାଇମ୍ ହେଲପ୍ ଡେକ୍ସ ଛଡାଇ ଆଣିଛି । ତେବେ ନରେଶ ମିଶ୍ର ୭୪ହଜାର ଟଙ୍କାର ଠକେଇ ଶିକାର ହୋଇଥିବା ବେଳେ ସେ ଆଜି ୫୮ହଜାର ୯୮୭ଟଙ୍କା ଫେରି ପାଇଛନ୍ତି । ସେହିପରି ଦେବାଶିଷ ମିଲ୍ଲିକ ୭୦ହଜାର ୯୦ଟଙ୍କା ପାଇଥିବା ସୂଚନା ମିଳିଛି ।