ନୟାଗଡ଼,(ବାଘୁଆବାର୍ତ୍ତା): ଅଧା ରହିଗଲା ବାସର ରାତି । ହିନ୍ଦୁ ପରମ୍ପରାରେ ଏଭଳି ହୋଇଥାଏ ପାରେ ବୋଲି ଆଶ୍ଚର୍ଯ୍ୟ ଲାଗିଲେ ବି ଘଟଣା ସତ । ଧୁମ୍ ଧାମ୍ରେ ସରିଥିଲା ବାହାଘର । ସରିଥିଲା ବାସର ରାତିର ପୂଜା । ଆଉ କିଛି ଘଣ୍ଟା ପରେ ହୋଇଥାନ୍ତା ସ୍ୱାମୀ ସ୍ତ୍ରୀ ମିଳନର ସେହି ବାସର ରାତି । ବାସର ରାତି ଛାଡି ନବବଧୂ ଯାଇ ପହଞ୍ôଚଲା ଥାନାରେ । ଏଭଳି ଘଟଣା ଘଟିଛି ବାଲେଶ୍ୱର ଜିଲ୍ଲା ନୀଳଗିରୀ ଅଞ୍ଚଳରେ । ମିଳିଥିବା ସୂଚନାନୁସାରେ, ଚଳିତ ମାସ ୫ତାରିଖରେ ବାଲେଶ୍ୱର ଜିଲ୍ଲା ନୀଳଗିରି ଥାନା ଅନ୍ତର୍ଗତ ମାଧପୁର ଗାଁର ବିହାରୀ ବେହେରାଙ୍କ ପୁଅ ଶମ୍ଭୁନାଥଙ୍କ ସହିତ ନିକଟସ୍ଥ ମର୍ଦ୍ଦରାଜପୁର ଗାଁର ଗୌତମଙ୍କ ଝିଅ ମୋନାଲିସାଙ୍କ ସହିତ ଧୁମ୍ ଧାମର ସହିତ ବିବାହ ଉତ୍ସବ ହୋଇଥିଲା । ତେବେ ଆଜି ଥିଲା ଚତୁର୍ଥୀ ରାତି । ତେବେ ମଧ୍ୟାହ୍ନରେ ଚତୁର୍ଥୀ ପୂଜା ସରିବା ପରେ ସ୍ୱାମୀ-ସ୍ତ୍ରୀଙ୍କ ମଧ୍ୟରେ କୌଣସି କଥାକୁ ନେଇ ମନୋମାଳିନ୍ୟ ହୋଇଥିଲା । ତେବେ ସ୍ୱାମୀ-ସ୍ତ୍ରୀଙ୍କ ମନୋମାଳିନରୁ ପାଟିତୁଣ୍ଡ ହୋଇ ନବବଧୂ ଯାଇ ପହଞ୍ôଚଥିଲା ନୀଳଗିରି ଥାନାରେ । ଏବଂ ଥାନାରେ ଯାଇ ସ୍ୱାମୀ ଶମ୍ଭୁନାଥଙ୍କ ସହିତ ନରହିବା ପାଇଁ ଅଡି ବସିଛନ୍ତି । ଯଦି ନବବଧୂ ମୋନାଲିସାଙ୍କୁ ତାଙ୍କ ବାପଘରକୁ ଛଡାନଯାଏ ତେବେ ସେ ଆତ୍ମହତ୍ୟା କରିବେ ବୋଲି ମଧ୍ୟ ଥାନା ଭିତରେ ଧମକ୍ ଦେଇଛନ୍ତି । ଖବର ପାଇ ମୋନାଲିସାଙ୍କ ବାପଘର ଲୋକ ଶାଶୁଘରେ ପହଞ୍ôଚବାରୁ ଶାଶୁଘର ଲୋକ ବାପଘର ଲୋକଙ୍କୁ ଅଟକ ରଖିଥିବା ଜଣାପଡିଛି । ଥାନାରେ ନବବଧୂ ତାଙ୍କୁ ଶାଶୁ ଶ୍ୱଶୁର ବିବାହର ପରଠାରୁ ମୋ ସହିତ କଥା ହେଉନାହାନ୍ତି । ଏବଂ ଗାଳିଗୁଲଜ କରୁଛନ୍ତି । ମୋତେ ଜୋରଜବରଦସ୍ତି ବିବାହ କରିଦିଆଯାଇଛି । ତେଣୁ ପିଟି ପିଟି ମାରି ଦେବେ ବୋଲି ପୁଲିସ ଆଗରେ ଅଭିଯୋଗ କରିଛି । ତେବେ ଏହାକୁ ଶମ୍ଭୁନାଥଙ୍କ ପରିବାର ଖଣ୍ଡନ କରିଛନ୍ତି । କହିଛନ୍ତି ଝିଅ ବିବାହ ପୂର୍ବରୁ ଅନ୍ୟ ପୁଅ ସହିତ ପ୍ରେମ ସଂପର୍କ ଅଛି । ତେଣୁ ସେ ଆମ ଘର ଛାଡି ଚାଲିଯିବାକୁ ଯିଦ୍ ଧରିଛି । ତେଣୁ ବିବାହରେ ଯେତିକି ଟଙ୍କା ଖର୍ଚ୍ଚ ହୋଇଛି ସେତିକି ଟଙ୍କା ଫେରାଇବା ପାଇଁ ଝିଅ ଘର ଲୋକଙ୍କ ଉପରେ ପୁଅଘର ଲୋକ ଦାବି କରିଛନ୍ତି ।
