ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ସହରରେ ପିଲାଚୋରୀ ସନ୍ଦେହରେ ନିର୍ଦ୍ଧୁମ ମାଡ଼ ଖାଇଥିବା ୩ ଜଣ ବାବାଙ୍କୁ ପୁଲିସ ଉଦ୍ଧାର କରି ପ୍ରାଥମିକ ଚିକିତ୍ସା ପରେ ଥାନାରେ ଅଟକ ରଖିଛି । ଉତ୍ତରପ୍ରଦେଶ ଓରେୟା ଜିଲ୍ଲା ବାସିପୁର ମୈାଜାର ମହାବୀର ନାଥ, ସନ୍ତୋଷ ନାଥ, ଶୈଳେନ୍ଦ୍ର ନାଥ ଆଜି ନୟାଗଡ଼ ତ୍ରିନାଥ ଛକଠାରେ ଏକ ଦୋକାନକୁ ଯାଇଥିଲେ । ଦୋକାନରେ ବ୍ୟବସାୟୀ ତାଙ୍କ ଛୋଟ ପୁଅକୁ ବସାଇ କୈାଣସି କାମରେ ବାହରକୁ ଯାଇଥିଲେ । ଏହି ତିନିଜଣ ଯୁବ ବାବା ଉକ୍ତ ଛୋଟ ପିଲାଟିକୁ ଏକ ଚକଲେଟ୍ ଏବଂ ଶହେ ଟଙ୍କା ଯାଚିଥିଲେ । ଛୁଆଟି ତାହା ଗ୍ରହଣ କରିନଥିଲା । ସେହି ସମୟରେ ପିଲାର ବାପା ଆସିବାରୁ ତାଙ୍କର ପିଲାଚୋର ବୋଲି ସନ୍ଦେହ ହୋଇଥିଲା । ଫଳରେ ସେ ପାଟି କରିବାକୁ ଉକ୍ତ ସ୍ଥାନରେ ଉପସ୍ଥିତ ଲୋକେ ତିନିଜଣଙ୍କୁ ଗୋଡ଼ାଇ ଗୋଡ଼ାଇ ପିଟିଥିବା ଜଣାଯାଇଛି । ଖବରପାଇ ଟାଉନଥାନା ପୁଲିସ ଉକ୍ତ ସ୍ଥାନରେ ପହଞ୍ଚି ବାବା ତିନି ଜଣଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ପ୍ରାଥମିକ ଚିକିତ୍ସା କରାଇବା ସହ ଥାନାରେ ଅଟକ ରଖିଛି । ଥାନାରେ କୈାଣସି ଅଭିଯୋଗ ହୋଇନଥିବା ଜଣାପଡ଼ିଛି ।
