କେନ୍ଦ୍ରାପଡ଼ା,(ବାଘୁଆବାର୍ତ୍ତା): ରାଜ୍ୟରେ ନକଲି ସାମଗ୍ରୀକୁ ନେଇ ଚର୍ଚ୍ଚା ଲାଗି ରହିଥିବା ବେଳେ ଆଜି ଆଉ ଏକ ଘଟଣା ସାମ୍ନାକୁ ଆସିଛି । ନକଲି ବନ୍ଧା କୋବି । ଏହି ନକଲି ଠାବ ହୋଇଛି କେନ୍ଦ୍ରାପଡ଼ା ଅଞ୍ଚଳରେ । ସୂଚନାନୁସାରେ, କେନ୍ଦ୍ରାପଡ଼ା ଜିଲ୍ଲା ରାମନଗର ବଜାରକୁ ଜଣେ ବ୍ୟକ୍ତି ପରିବା ନେବାକୁ ଆସିଥିଲେ । ବିଭିନ୍ନ ପ୍ରକାରର ପନି ପରିବା କିଣିବା ସହିତ ବନ୍ଧା କୋବି କିଣି ଘରକୁ ନେଇଥିଲେ । ରାନ୍ଧିବା ପାଇଁ ଘରେ ବନ୍ଧା କୋବି କାଟିଲା ବେଳକୁ କଟିନଥିଲା କି ବନ୍ଧାକୋବିର ପତ୍ର ଟାଣିଲେ ଲମ୍ବି ଯାଉଥିଲା । ତେଣୁ ପରିବାର ଲୋକ ଉକ୍ତ କୋବିକୁ ନିଅାଁରେ ଦେଖାଇଲେ ପ୍ଲାଷ୍ଟିକ ସ୍ମେଲ ହେବା ସହିତ ତରଳି ଯାଇଥିଲା । ଯାହାକି ଏହି ଘଟଣା ଉକ୍ତ ପରିବାରକୁ ଆଶ୍ଚମ୍ବିତ କରିଥିଲା । ତେବେ ରାମନଗର ବଜାରରେ ନକଲି ବନ୍ଧା କୋବି ବିକ୍ରି ହେଉଥିବା ଘଟଣା ପ୍ରଘଟ ହୋଇଥିଲା ଯାହା ରାଜ୍ୟରେ ଏବେ ଚର୍ଚ୍ଚାର ବିଷୟ ପାଲଟିଛି ।
