ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲାର ଅନ୍ୟତମ ସୁଯୋଗ୍ୟ ସନ୍ତାନ ତଥା ଆଦର୍ଶ ଶିକ୍ଷକ ସ୍ୱର୍ଗତ ଭରତ ବେହରାଙ୍କ ପ୍ରଥମ ଶ୍ରାଦ୍ଧ ଏବଂ ଶ୍ରଦ୍ଧାଞ୍ଜଳି ସଭା ଭରତବେହରା ସ୍ମୃତି ସଂସଦ ପକ୍ଷରୁ ତାଙ୍କ ନିଜଗ୍ରାମ ପାଟଚଣ୍ଡୀପ୍ରସାଦ ଠାରେ ଅନୁଷ୍ଠିତ ହୋଇଯାଇଛି । ଧିରେନ୍ଦ୍ର କୁମାର ସାମନ୍ତସିଂହାରଙ୍କ ପୌରହିତ୍ୟରେ ଆୟୋଜିତ ଏହି ସ୍ମୃତିସଭାରେ ମୁଖ୍ୟ ଅତିଥିଭାବେ ପୁଜ୍ୟଗୁରୁ ରାଧାଚରଣ ପୃଷ୍ଠି,ମୁଖ୍ୟବକ୍ତା ଭାବେ ଡଃ ଗଣେଶ୍ୱର ସ୍ୱାଇଁ ଏବଂ ସମ୍ମାନୀତ ଅତିଥିଭାବେ ଜହିରୁଦ୍ଦିନ ଖାଁ ପ୍ରମୁଖ ଯୋଗଦାନ କରିଥିଲେ । ଏହି ଅବସରରେ ସ୍ୱର୍ଗତ ବେହେରାଙ୍କ ସ୍ମୃତିଚାରଣ କରିବା ସହିତ ତତ୍କାଳୀନ ସମାଜରେ ଗୁରୁଶିଷ୍ୟ ପରମ୍ପରାର ଉଦାହରଣ ଦେଇ ସାମ୍ପ୍ରତିକ ଅବକ୍ଷୟମୁଖୀ ସମାଜର ଚିତ୍ର ଉପସ୍ଥାପନ କରିଥିଲେ । ଶ୍ରଦ୍ଧାଞ୍ଜଳି ସଭାରେ ଉପସ୍ଥିତ ଥିବା ବହୁ ପୁରାତନ ଛାତ୍ରଛାତ୍ରୀ,ଶିକ୍ଷକ,ଅଭିଭାବକ ଏବଂ ସହପାଠୀମାନେ ସ୍ୱର୍ଗତ ବେହେରାଙ୍କ ଉତ୍ସର୍ଗୀକୃତ କାର୍ଯ୍ୟଧାରାର ଅବତାରଣା କରିବା ସହ ତାଙ୍କ ଆଦର୍ଶରେ ଅନୁପ୍ରାଣୀତ ହେବାପାଇଁ ଉପସ୍ଥିତ ଛାତ୍ରଛାତ୍ରୀ ମାନଙ୍କୁ ପରାମର୍ଶ ଦେଇଥିଲେ । ଏହି ଅବସରରେ ଅତିଥିମାନଙ୍କ ଦ୍ୱାରା ଏକ ସ୍ମରଣିକା(ଭୂୟୋଦର୍ଶୀ ଭରତ) ଉନ୍ମୋଚନ ହୋଇଥିଲା । ସ୍ମୃତିସଂସଦ ପକ୍ଷରୁ କୃତିତ୍ୱ ସମ୍ପନ୍ନ ପ୍ରତିଭୁ ମାନଙ୍କୁ ମାନପତ୍ର ଏବଂ ଉପଢୌକନ ପ୍ରଦାନ କରାଯାଇ ସମ୍ବର୍ଦ୍ଧିତ କରାଯିବା ସହ ପୂଜ୍ୟପୂଜା କାର୍ଯ୍ୟକ୍ରମରେ ସ୍ୱର୍ଗତ ବେହେରାଙ୍କ ସହପାଠୀ ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ଶେଷରେ ସ୍ମୃତି ସଂସଦର ସମ୍ପାଦକ ଶରତ ସାମନ୍ତରାୟ ଧନ୍ୟବାଦ ଅର୍ପଣ କରିଥିଲେ ।
ଗୁରୁଶ୍ରୀ ଭରତ ବେହରାଙ୍କ ଆଦର୍ଶରେ ଅନୁପ୍ରାଣୀତ ହେବାପାଇଁ ଆହ୍ୱାନ
