ପୂର୍ବତନ ସରପଞ୍ଚ ହତ୍ୟା ଘଟଣା, ଅଭିଯୁକ୍ତ ଙ୍କୁ ନେଇ ଛାନଭିନ

ଭଦ୍ରକ, (ବାଘୁଆବାର୍ତ୍ତା): ପୂର୍ବତନ ସରପଞ୍ଚଙ୍କୁ ହତ୍ୟା କରି ମାରିଦେବା ଘଟଣାରେ ସାମ୍ନାକୁ ଆସିଲା ଆଉ କିଛି ତଥ୍ୟ । ଗତ ନଭେମ୍ବର ୧୩ ତାରିଖ ରାତିରେ ଭଦ୍ରକ ବନ୍ଧଗାଁର ପୂର୍ବତନ ସରପଞ୍ଚ ଓ ବର୍ତ୍ତମାନର ବନ୍ଧ ଗାଁ ସେବା ସମବାୟ ସମିତିର ସଭାପତି ଚିତ ରଞ୍ଜନ ରାଉତ ( ନାଲୁ) ଙ୍କ ହତ୍ୟା ଘଟଣା ରେ ପୋଲିସ ଆଉ ପାଦେ ଆଗେଇଛି। ୩ ଅଭିଯୁକ୍ତ ଙ୍କୁ ସାଙ୍ଗରେ ନେଇ ଘଟଣାସ୍ଥଳରେ ପହଞ୍ଚିଲା ଗ୍ରାମାଞଳ ପୋଲିସ । ଘଟଣା ଘଟାଇବା ପରେ ଲୁଚାଇ ରଖିଥିବା ହତ୍ୟା ରେ ବ୍ୟବହୃତ ହୋଇଥିବା କଟୁରୀ , ଭଙ୍ଗା ଯାଇଥିବା ମୋବାଇଲ୍, ଜୋତା କୁ ଝାଟିଆ କେନାଲ ପାଖ ଘଞ୍ଚ ଜଙ୍ଗଲ ଭିତରୁ ପୋଲିସ ଜବତ କରିଛି। ପୋଲିସ ଅଧିକ ତଦନ୍ତ କରି ଆଉ କିଛି ତଥ୍ୟ ବାହାର କରିବା ପାଇଁ ଚେଷ୍ଟା କରୁଥିବା ବେଳେ କୌଣସି ସୂଚନା ପ୍ରଦାନ କରୁନାହିଁ। ଆସନ୍ତା କାଲି ପୋଲିସ ମୁଖ୍ୟ ଅଭିଯୁକ୍ତ ଙ୍କୁ ନେଇ ସମ୍ପୂର୍ଣ୍ଣ ଘଟଣାର ଗ୍ରାଉଣ୍ଡ ଜିରୋ ରୁ ତଦନ୍ତ କରିବ ବୋଲି ସୁଚନା ମିଳିଛି।