ନୟାଗଡ଼, (ବାଘୁଆବାର୍ତ୍ତା): ଜିଲ୍ଲାର ସୁନାମଧନ୍ୟ ତଥା ଲୋକପ୍ରିୟ କଣ୍ଠଶିଳ୍ପୀ ତଥା ଓଡ଼ିଶାର ଅନ୍ୟତମ ସାଲବେଗ ସ୍ବର୍ଗତ ଭିକାରୀ ମହମ୍ମଦଙ୍କ ସ୍ମୃତିରେ ଭିକାରୀ ମହମ୍ମଦ ସ୍ମୃତିସଂଧ୍ୟା ସ୍ଥାନୀୟ ରୋଟାରୀ ଭବନ ପରିସରରେ ସୋମବାର ସନ୍ଧ୍ୟାରେ ଅନୁଷ୍ଠିତ ହୋଇଯାଇଛି। ରୋଟାରୀ କ୍ଲବ ନୟାଗଡ଼, ସୁଧା ସାଂସ୍କୃତିକ ଅନୁଷ୍ଠାନ, ନୟାଗଡ଼ ଜିଲ୍ଲା ଲେଖକ ପରିଷଦ, ସଦାନନ୍ଦ ସାହିତ୍ୟ ଓ ସଂସ୍କୃତି ପରିଷଦ, ମା’ ଫାଉଣ୍ଡେସନ,ମୈତ୍ରୀ ଯୁବ ସଂସଦ, ପରମ୍ପରା ସାହିତ୍ୟ ଓ ସଂସ୍କୃତି ପରିଷଦ, ଆର୍ଟ ପଏଣ୍ଟ ,ନୟାଗଡ଼ କ୍ଲବ ପ୍ରଭୃତି ଅନୁଷ୍ଠାନ ମାନଙ୍କ ପକ୍ଷରୁ ଆୟୋଜିତ ଏହି ସଙ୍ଗୀତ ସନ୍ଧ୍ୟା କାର୍ଯ୍ୟକ୍ରମକୁ ରୋଟାରିଆନ ପ୍ରମୋଦ ପଟ୍ଟନାୟକ ପ୍ରଦୀପ ପ୍ରଜ୍ବଳନ କରି ଉଦଘାଟନ କରିଥିବା ବେଳେ ଶେଖ ଅବଦୁଲ ଖାଲିକ, ଅଶୋକ ନାୟକ, ରଶ୍ମିରଞ୍ଜନ ଜେନା, ପ୍ରଦୀପ ସାହୁ, ଲକ୍ଷ୍ମୀଧର ସାହୁ, ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଏହି ସଙ୍ଗୀତ କାର୍ଯ୍ୟକ୍ରମରେ ନୟାଗଡ଼ ଜିଲ୍ଲାର ବିଶିଷ୍ଟ କଣ୍ଠଶିଳ୍ପୀ ତଥା ବେତାର ଶିଳ୍ପୀ ନବକିଶୋର ମିଶ୍ର, ପ୍ରଶାନ୍ତ କୁମାର ଦାଶ, ଜଗଦୀଶ ରଥ, ପ୍ରାଣକୃଷ୍ଣ ମହାରଣା,ବିଜୟନନ୍ଦ ମହାପାତ୍ର,ଆଶୁତୋଷ ମିଶ୍ର,ଉଷା ବାରିକ, ଭୂମିକା ମହାପାତ୍ର, ପ୍ରଭାତ ଦାଶ, ଅଜିତ ଦାଶ ପ୍ରମୁଖ କଣ୍ଠଦାନ କରିଥିବା ବେଳେ ଅଶୋକ ମଲ୍ଲ, ଗୋପୀନାଥ ସେଠି ଏବଂ ବିଜୟାନନ୍ଦ ମହାପାତ୍ର ପ୍ରମୁଖ ସଂଯୋଜନା କରିଥିଲେ।
