ଖୁବଶୀଘ୍ର ଘୋଷଣା ହେବ ଟିମ ଇଣ୍ଡିଆର ନୂଆ ମୁଖ୍ୟ କୋଚଙ୍କ ନାଁ

ଦିଲ୍ଲୀ, (ବାଘୁଆବାର୍ତ୍ତା): ଟିମ ଇଣ୍ଡିଆ ମୁଖ୍ୟ କୋଚ ନେଇ ବଡ ଖବର ସାମ୍ନାକୁ ଆସିଛି । ଖୁବଶୀଘ୍ର ବାଜିପାରେ ନୂଆ କୋଚଙ୍କ ଉପରେ ମୋହର । ମିଳିଥିବା ସୂଚନା ଅନୁସାରେ ରେସରେ ସବୁଠୁ ଆଗରେ ଥିବା ଗୌତମ ଗମ୍ଭୀରଙ୍କ ସମସ୍ତ ସର୍ତ ବିସିସିଆଇ ମାନିଛି । ତେଣୁ ଚର୍ଚ୍ଚା ହେଉଛି ଗୌତମ ହିଁ ହୋଇପାରନ୍ତି ଟିମ ଇଣ୍ଡିଆ ମୁଖ୍ୟ କୋଚ । ସରିବ ଅପେକ୍ଷା, ମିଳିବ ନୂଆ କୋଚ୍ । ବିସିସିଆଇ ମାନିଲା ଗମ୍ଭୀରଙ୍କ ସର୍ତ । ଖୁବଶୀଘ୍ର ବାଜିବ ମୋହର । ରାହୁଲ ଦ୍ରାବିଡଙ୍କ ପରେ ଟିମ ଇଣ୍ଡିଆର ମୁଖ୍ୟ କୋଚ ହେବାକୁ ଯାଉଛନ୍ତି ପୂର୍ବତନ ଭାରତୀୟ ଖେଳାଳି ଗୈøତମ ଗମ୍ଭୀର । ମୁଖ୍ୟ କୋଚ ପଦ ପାଇଁ କେବଳ ଗମ୍ଭୀର ହିଁ ଆବେଦନ କରିଥିଲେ । ସୂଚନା ଅନୁସାରେ ଏନେଈ ସାକ୍ଷାତକାର କାର୍ଯ୍ୟକ୍ରମ ଶେଷ ହୋଇଛି ଓ କୌଣସି ମୁହୁର୍ତରେ ନାଁ ଘୋଷଣା ହୋଇପାରେ । କିଛି ଦିନ ପୂର୍ବରୁ ଗମ୍ଭୀର ଓ ଜୟ ଶାହା ଏକାଠି ନଜର ଆସିଥିଲେ ଏବଂ ଚର୍ଚ୍ଚା ମଧ୍ୟ ବଢିଥିଲା କୋଚ ପାଇଁ ଗମ୍ଭୀର ହିଁ ପ୍ରଥମ ପସନ୍ଦ । ସୂଚନା ଅନୁସାରେ ଗମ୍ଭୀର ବିସିସିଆଇ ଆଗରେ ଯେଉଁ ସର୍ତ ରଖିଥିଲେ ତାକୁ ମଧ୍ୟ ମାନିନେଇଛି ବିସିସିଆଇ । ଗମ୍ଭୀର ଚାହୁଥିଲେ ସେ କୋଚ ହେଲେ ତାଙ୍କ ପସନ୍ଦ ର ସପୋର୍ଟିଂ ଷ୍ଟାପ ରହିବେ ଏବଂ ଏଥିରେ ମଧ୍ୟ ବିିସିସିଆଇ ରାଜି ହୋଇଛି ବୋଲି ସୂଚନା ମିଳିଛି । ନଜର ପକାନ୍ତୁ କାହିଁକି ଗମ୍ଭୀର ପ୍ରଥମ ପସନ୍ଦ—- ମୁଖ୍ୟ କୋଚ ଗମ୍ଭୀର! । ୨୦୦୭ ଟି-୨୦ ବିଶ୍ୱକପ ବିଜେତା ଦଳରେ ରହିଥିଲେ । ୨୦୧୧ ଦିନିକିଆ ବିଶ୍ୱକପ ଫାଇନାଲରେ ସାଜିଥିଲେ ହିରୋ । କେକେଆରକୁ ୨ଥର ଚାମ୍ପିଆନ କରାଇଥିଲେ ଗମ୍ଭୀର । ମେଂଟର ଭାବେ କେକେଆର ସହ ଯୋଡି ହୋଇଥିଲେ । ଚଳିତ ଆଇପିଏଲରେ କେକେଆରକୁ ଚାମ୍ପିୟନ ପଛରେ ଥିଲା ବଡ ଭୂମିକା । ୪୨ବର୍ଷୀୟ ଗୌତମ ଗମ୍ଭୀର ୨୦୧୮ରେ ଅର୍ନ୍ତଜାତୀୟ କ୍ରିକେଟକୁ ଅଲବିାଦ କହିଥିଲେ । କ୍ୟାରିୟରରେ ୫୮ ଟେଷ୍ଟ, ୧୪୭ ଦିନିକିଆ ମ୍ୟାଚ ଖେଳି ୧୧ ଟି ଶତକ ସହ ୫୨୩୮ ରନ କରିଛନ୍ତି । ଟି-୨୦ ବିଶ୍ୱକପ ପରେ ଶେଷ ହେଉଛି ରାହୁଲ ଦ୍ରାବିଡଙ୍କ କାର୍ଯ୍ୟକାଳ । ୨୦୨୩ରେ ସରିଥିଲେ ବିସିସିଆଇ ତାଙ୍କ କାର୍ଯ୍ୟକାଳକୁ ବୃଦ୍ଧି କରିଥିଲା ।