ନୟାଗଡ଼, (ବାଘୁଆବାର୍ତ୍ତା): ପ୍ରେମର କରୁଣ ପରିଣିତି ବହୁ ଭୟଙ୍କର ବୋଲି ଆଲୋଚନା ହୁଏ । ଏଭଳି ସ୍ଥିତିରେ ଯଦି ଏକ ତରଫା ପ୍ରେମ ହେଲା ତେବେ ପରିସ୍ଥିତି ସାଂଘାତିକ ହୋଇପଡ଼େ । ଏଭଳି ଏକ ଘଟଣା ଘଟିଛି, ଇଟାମାଟି ଥାନା ଅଂଚଳରେ । ସୂଚନାନୁସାରେ, ଏହି ଥାନା ଅଂଚଳର ସାଗର ନାୟକ ନାମକ ଜଣେ ଯୁବକ ଜଣେ ଛାତ୍ରୀଙ୍କୁ ଏକତରଫା ପ୍ରେମ କରୁଥିବା ବେଳେ ଛାତ୍ରୀ ଜଣଙ୍କ ଏଭଳି କଥାକୁ ଅଗ୍ରାହ୍ୟ କରି ଆସୁଥିଲେ । ଯାହାକୁ ନେଇ ଗତକାଲି ସଂନ୍ଧ୍ୟାରେ ସାଗର ଛାତ୍ରୀଙ୍କ ଘରେ ପହଂଚି ଲଙ୍କାକାଣ୍ଡ ସୃଷ୍ଟି କରିଥିଲେ । ଏଥିରେ ଛାତ୍ରୀଙ୍କ ମାଆ ବାଧା ଦେବାରୁ ସାଗର ସାଙ୍ଗରେ ନେଇଥିବା ଏକ ଛୁରୀ ସାହାର୍ଯ୍ୟରେ ତାଙ୍କୁ ଆକ୍ରମଣ କରିଥିଲେ । ମହିଳାଙ୍କ ପାଟି ଶୁଣି, ଆଖପାଖ ଲୋକ ସାଗରଙ୍କୁ ଘେରି ଯାଇଥିବା ବେଳେ ଖବରପାଇ ଇଟାମାଟି ପୁଲିସ ଘଟଣାସ୍ଥଳରେ ପହଂଚି ସାଗରଙ୍କୁ ଥାନାକୁ ଆଣି ଅଟକ ରଖିଥିବା ବେଳେ ଛାତ୍ରୀଙ୍କ ପରିବାର ଏନେଇ ଥାନାରେ ଲିଖିତ ଅଭିଯୋଗ କରିଛନ୍ତି । ଛୁରାମାଡ଼ରେ ମହିଳା ଆହାତ ହୋଇଥିବା ବେଳେ ଇଟାମାଟି ପୁଲିସ ଘଟଣାର ତଦନ୍ତ କରି ଯୁବକଙ୍କୁ ଗିରଫ କରିଥିବା ଥାନା ଅଧିକାରୀ ଶରତ ଚନ୍ଦ୍ର ପାତ୍ର ସୂଚନା ଦେଇଛନ୍ତି ।
