ଶକ୍ତିଶାଳୀ ହେଉଛି ବିଜେଡି, ବିରୋଧୀ ଦଳର ୩ ୱାର୍ଡ ସଭ୍ୟଙ୍କ ସମେତ ୧୫ ପରିବାର ବିଜେଡିରେ ସାମିଲ

ନୟାଗଡ଼, (ବାଘୁଆବାର୍ତ୍ତା): ଦିନକୁ ଦିନ ଶକ୍ତିଶାଳୀ ହେଉଛି ନୟାଗଡ଼ ନିର୍ବାଚନ ମଣ୍ଡଳୀ ବିଜେଡି । ବିରୋଧୀ ଦଳର ଅନେକ ନେତା ବିଜେଡିରେ ସାମିଲ ହେଉଥିବା ଦେଖିବାକୁ ମିଳିଛି । ଗତ କିଛି ଦିନ ଧରି ଏଭଳି ଧାରା ଲାଗୁ ରହିଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୀତି ଆଦର୍ଶରେ ଅନୁପ୍ରାଣିତ ହେବା ସହ ନୟାଗଡ଼ ବିଧାୟକ ଡ. ଅରୁଣ କୁମାର ସାହୁଙ୍କ ବିକାଶ ମୁଳକ ଚିନ୍ତାଧାରାରେ ସାମିଲ ହୋଇ ବହୁ ବିରୋଧୀ ଦଳର ନେତା ବିଜେଡିରେ ସାମିଲ ହେବା ଦେଖାଯାଉଛି । ଆଜି ଓଡ଼ଗାଁ ବ୍ଲକ ବିରିଡିପଲ୍ଲୀ ଗ୍ରାମ ପଞ୍ଚାୟତର ଧଝୋଲା ଗ୍ରାମର ୧୫ ବିରୋଧୀ ପରିବାର ବିଜେଡିରେ ସାମିଲ ହୋଇଛନ୍ତି । ନୟାଗଡ଼ ବିଜୁ ଜନତା ଦଳ କାର୍ଯ୍ୟାଳୟକୁ ଆସି ସେମାନେ ବିଧିବଦ୍ଧ ଭାବେ ବିଜେଡିରେ ସାମିଲ ହୋଇଛନ୍ତି । ଉକ୍ତ ପଞ୍ଚାୟତର ୱାର୍ଡ ସଭ୍ୟ ଅଶୋକ ନାୟକ, ଶୈଳ ଦାସ, ଆନନ୍ଦ ନାୟକ ପ୍ରମୁଖ ୱାର୍ଡ ସଭ୍ୟ ମାନେ ବିଜେଡିରେ ସାମିଲ ହୋଇଛନ୍ତି । ସେମାନଙ୍କ ବ୍ୟତୀତ ବିଜୟ ନାୟକ, ରେଣୁ ନାୟକ, ଦିଲ୍ଲୀପ କୁମାର ନାୟକ, ନିବାସୀ ରାଉତ, ବବିତା ନାୟକ, ରଜନୀକାନ୍ତ ନାୟକ, ନିରଞ୍ଜନ ଦାସ, ଦଣ୍ଡପାଣି ନାୟକ, ସୁରଥ ନାୟକ, ଅଭିମନ୍ୟୁ ଜେନା, ନବୀନ ଚନ୍ଦ୍ର ନାୟକ ଓ ଶିବ ଜେନା ପ୍ରମୁଖ ବିଜେଡିରେ ଯୋଗ ଦେଇଛନ୍ତି । ଆଜିର ଏହି ମିଶ୍ରଣ ପର୍ବରେ ବିଜୁ ଯୁବ ଜନତା ଦଳର ଜିଲ୍ଲା ସଭାପତି ଦୁର୍ଯ୍ୟୋଧନ ବେହେରା ଓ ଗିରିଡ଼ିପଲ୍ଲୀ ସମିତି ସଭ୍ୟାଙ୍କ ପ୍ରତିନିଧି ଅମୁଲ୍ୟ ମୋହନ ନାୟକ ପ୍ରମୁଖ ଉପସ୍ଥିତ ରହିଥିଲେ ।