ଭୁବନେଶ୍ଵର, (ବାଘୁଆବାର୍ତ୍ତା): ରାଜ୍ୟସଭା ନିର୍ବାଚନ ପାଇଁ ପ୍ରକାଶ ପାଇଲା ବିଜ୍ଞପ୍ତି । ଫେବ୍ରୁଆରୀ ୨୭ ତାରିଖରେ ହେବ ରାଜ୍ୟସଭା ନିର୍ବାଚନ । ଓଡ଼ିଶାରେ ୩ଟି ଆସନ ପାଇଁ ହେବ ନିର୍ବାଚନ । ଏଥିପାଇଁ ଆଜିଠାରୁ ନାମାଙ୍କନ ପତ୍ର ଦାଖଲ ପ୍ରକ୍ରିୟା ଆରମ୍ଭ ହୋଇଥିବା ବେଳେ ନାମାଙ୍କନ ଶେଷ ତାରିଖ ରହିଛି ଫେବ୍ରୁଆରୀ ୧୫ ତାରିଖ । ୧୬ ତାରିଖରେ ନାମାଙ୍କନ ପତ୍ର ଯାଞ୍ଚ ଏବଂ ୨୦ ତାରିଖରେ ନାମାଙ୍କନ ପ୍ରତ୍ୟାହାର ଶେଷ ତାରିଖ ରହିଛି । ଯଦି ପ୍ରତିଦ୍ବନ୍ଦ୍ବିତା ହୁଏ ତାହେଲେ ଫେବ୍ରୁଆରୀ ୨୭ ତାରିଖ ସକାଳ ୯ଟାରୁ ଅପରାହ୍ନ ୪ଟା ଭିତରେ ମତଦାନ ହେବ । ସେହିଦିନ ସଂଧ୍ୟା ୫ଟା ରେ ରେଜଲ୍ଟ ପ୍ରକାଶ ପାଇବ । ସଂଖ୍ୟା ଦୃଷ୍ଟିରୁ ତିନିଟି ଯାକ ଆସନ ଶାସକ ଦଳ ବିଜେଡି ସପକ୍ଷରେ ଯିବ । ରାଜ୍ୟସଭା ରେସ୍ । ରାଜ୍ୟର ୩ଟି ଆସନ ଲାଗି କାହା ମୁଣ୍ଡରେ ସିରପା ବାନ୍ଧିବ ବିଜେଡି । ଓଡିଶାର ୩ ରାଜ୍ୟସଭା ଆସନରେ ନିର୍ବାଚନ ପାଇଁ ପ୍ରକାଶ ପାଇଲା ବିଜ୍ଞପ୍ତି । ଫେବ୍ରୁଆରୀ ୨୭ ତାରିଖରେ ହେବ ରାଜ୍ୟସଭା ନିର୍ବାଚନ। ଏଥିପାଇଁ ଆଜିଠାରୁ ନାମାଙ୍କନ ପତ୍ର ଦାଖଲ ପ୍ରକ୍ରିୟା ଆରମ୍ଭ ହୋଇଛି । ଫେବ୍ରୁଆରୀ ୧୫ ତାରିଖ ନାମାଙ୍କନ ଶେଷ ତାରିଖ ରହିଛି। ୧୬ ତାରିଖରେ ନାମାଙ୍କନ ପତ୍ର ଯାଞ୍ଚ ଏବଂ ୨୦ ତାରିଖରେ ନାମାଙ୍କନ ପ୍ରତ୍ୟାହାର ଶେଷ ତାରିଖ । ଯଦି ପ୍ରତିଦ୍ବନ୍ଦିତା ହୁଏ ତାହାଲେ ୨୭ ଫେବ୍ରୁଆରୀ ସକାଳ ୯ଟାରୁ ଅପରାହ୍ନ ୪ଟା ଭିତରେ ମତଦାନ ହେବ । ସେହିଦିନ ସଂଧ୍ୟା ୫ଟା ରେ ଭୋଟ ଗଣତି କରାଯାଇ ଫଳା ଫଳ ଘୋଷଣା କରାଯିବ । ଏପ୍ରିଲ ୩ ତାରିଖରେ ରାଜ୍ୟର ୩ ରାଜ୍ୟସଭା ସାଂସଦ ଅମର ପଟ୍ଟନାୟକ, ପ୍ରଶାନ୍ତ ନନ୍ଦ ଏବଂ କେନ୍ଦ୍ର ମନ୍ତ୍ରୀ ଅଶ୍ବିନୀ ବୈଷ୍ଣବଙ୍କ ରାଜ୍ୟସଭା କାର୍ଯ୍ୟକାଳ ଶେଷ ହେଉଛି । ରାଜ୍ୟ ବିଧାନସଭା ସଂଖ୍ୟା ଗଣିତ କହୁଛି ୩ଟି ଯାକ ଆସନ ବିଜେଡି ହାତକୁ ଯିବା ସ୍ପଷ୍ଟ । ତେବେ ବିଜେଡିର କିଏ ସେଇ ୩ ପ୍ରାର୍ଥୀ ଯାହାଙ୍କ ନାଁରେ ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୋହର ମାରିବେ ତାକୁ ନେଇ ପଲିଟିକାଲ କରିଡରରେ ଆରମ୍ଭ ହୋଇଛି ଚର୍ଚ୍ଚା । କୁହାଯାଉଛି ପୁରୀ ସାଂସଦ ପିନାକୀ ମିଶ୍ରଙ୍କୁ ବିଜେଡି ଏଥର ରାଜ୍ୟସଭା ଟିକେଟ ଧରାଇପାରେ । ଏଥି ସହ ରାଜ୍ୟସଭା ସାଂସଦ ଭାବେ ଅମର ପଟ୍ଟନାୟକଙ୍କୁ ରିପିଟ କରିପାରେ ଦଳ । ବରିଷ୍ଠ ନେତା ପୂର୍ବତନ ସାଂସଦ ପ୍ରସନ୍ନ ପାଟ୍ଟଶାଣୀ, ପଶ୍ଚିମ ଓଡିଶାରୁ ପ୍ରସନ୍ନ ଆଚାର୍ଯ୍ୟଙ୍କ ନାଁ ବି ରାଜ୍ୟସଭା ରେସରେ ଥିବା ଶୁଣିବାକୁ ମିଳୁଛି । ସମସ୍ତଙ୍କ ଆକଳନ ବାହାରେ ରାଜନୀତି ଅଙ୍କ କଷୁଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମହିଳାମାନଙ୍କୁ ଗୁରୁତ୍ବ ଦେଇ ଆସୁଛନ୍ତି । ତେଣୁ ଏଥର ଜଣେ ଜଣେ ମହିଳାଙ୍କୁ ପଠାଇ ପାରନ୍ତି । ଏମିତି ହେଲେ ମିଶନ ଶକ୍ତିରେ ଭଳ କାମ କରୁଥିବା କିଛି ମହିଳାଙ୍କ ନାଁ ବି ଆସିପାରେ । ଏହାବାଦ ଅବସର ନେଇଥିବା କିଛି ପ୍ରଶାସନିକ ଅଧିକାରୀଙ୍କ ନାଁ ବି ରାଜ୍ୟସଭା ରେସରେ ଥିବା ଚର୍ଚ୍ଚା ଚାଲିଛି । ତେବେ ବିଜେଡିର କିଛି ବରିଷ୍ଠ ନେତାଙ୍କ କହିବା କଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟ ସ୍ବାର୍ଥ ଲାଗି ସବୁବେଳେ ସଠିକ ନିଷ୍ପତ୍ତି ନେଇଥାନ୍ତି । ଏଥର ବି ସେ ଠିକ ସମୟରେ ଠିକ ନିଷ୍ପତ୍ତି ନେବେ । ରାଜ୍ୟ ରାଜନୀତିରେ ଅନେକ ସମୟରେ ଅନେକ ଚର୍ଚ୍ଚା ହୁଏ । ହେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନେକ ସମୟରେ ଏମିତି ନିଷ୍ପତ୍ତି ନିଅନ୍ତି ସବୁ ଆକଳନଠୁ ବାହାରେ ଥାଏ । ଏଥର ଯେହେତୁ ନିର୍ବାଚନ ରହିଛି ସେଥିଲାଗି ସେ ସବୁ ଦିଗରୁ ଅଙ୍କ କଷି ତିନି ଜଣଙ୍କୁ ଦିଲ୍ଲୀ ଟିକେଟ ଧରାଇବେ ଯାହା ଦଳ ଓ ରାଜ୍ୟବାସୀଙ୍କୁ ଏକ ବଡ ବାର୍ତ୍ତା ଦେବ ବୋଲି ଅନୁମାନ କରାଯାଉଛି ।
ରାଜ୍ୟସଭା ନିର୍ବାଚନରେ ବିଜେଡି ହାତକୁ ଯିବ ସମସ୍ତ ସିଟ୍, ଚର୍ଚ୍ଚାରେ ଅନେକ ନାଁ
