ବିରୋଧୀ ପାଇଁ ଯୋଗ୍ୟ କି ନାହିଁ ତାହା ଓଡ଼ିଶାବାସୀ ଜାଣିଛନ୍ତି : ଅରୁଣ

ଭୁବନେଶ୍ବର, (ବାଘୁଆବାର୍ତ୍ତା): ବିରୋଧୀଙ୍କୁ କଟାକ୍ଷ କଲେ ବିଜେଡି ବିଧାୟକ ଅରୁଣ ସାହୁ । ଗଣତନ୍ତ୍ର ପ୍ରକ୍ରିୟାକୁ ସୁଦୃଢ କରିବା ସ୍ଵାଗତଯୋଗ୍ୟ । କିନ୍ତୁ ବିକାଶକୁ ନେଇ ପ୍ରଶ୍ନ ଉଠାଇବା ହେଉଛି ବିରୋଧୀଙ୍କ ଖୋଇ । ବିଭିନ୍ନ ତରିକା ବିଭିନ୍ନ ଉପାୟରେ ବିରୋଧ କରିବେ । ବିରୋଧୀ ଦଳ ଭୂମିକା ନିଭାଇବା ପାଇଁ ବ୍ୟସ୍ତ ହେଲେଣି କିନ୍ତୁ ଯୋଗ୍ୟ ଅଛି କି ନାହିଁ ତା ସ୍ପଷ୍ଟ ନାହିଁ । ମୋର ପରମ ବନ୍ଧୁ ମୋ ନାଁରେ ତାଙ୍କ ଅନୁଗତଙ୍କୁ ଲଗାଇ ଅପପ୍ରଚାର କଲେ ଠିକ୍ ଅଛି ତାର ମଧ୍ୟ ପରିଣାମ ପାଇଲେ । ପରିକ୍ରମା ପ୍ରକଳ୍ପକୁ ନେଇ ବିରୋଧ କରିଚାଲିଛନ୍ତି । ବ୍ରିଭାନ୍ତିକର କଥା କହି ଗୋଟେ ସରକାରକୁ ବଦନାମ କରିବାକୁ ଚାହିଁଲେ ଫଳ କ’ଣ ଆସିଲା ସମସ୍ତେ ଜାଣନ୍ତି । ବିରୋଧୀ ପାଇଁ ଯୋଗ୍ୟ କି ନାହିଁ ତାହା ଓଡ଼ିଶାବାସୀ ଜାଣିଛନ୍ତି । ଆଗକୁ ତାଙ୍କୁ ଓଡ଼ିଶାବାସୀ ଆଉ ବିରୋଧୀ ଭୂମିକା ଦେବେ କି ନାହିଁ ଜଣାନାହିଁ । ସୁପ୍ରିମକୋର୍ଟ ମଧ୍ୟ ଗଲେ କ’ଣ ଫଳ ଭୋଗିଲେ । ସେମାନେ ହେଉଛନ୍ତି ଓଡ଼ିଶାର ବିରୋଧୀ, ଓଡ଼ିଶାର ବିକାଶର ବିରୋଧୀ ଓ ଓଡ଼ିଶାର ଉନ୍ନତିର ବିରୋଧୀ । ଗାଁ ଲୋକଙ୍କ ବିକାଶ ହେଲେ ଆପଣଙ୍କୁ କାହିଁକି କଷ୍ଟ ହେଉଛି । କାହିଁକି ଆପଣମାନେ ଛଟପଟ ହେଉଛନ୍ତି । ପେନ୍ ହେଉଛି ହେବ ବି । ଖୋଇ ଖିଅ ଯାହା ବାହାର କରୁଛନ୍ତି ଆପଣଙ୍କୁ ମୁଁ ଅନୁରୋଧ କରୁଛି ଶେଷ ଅଧିବେଶନରେ ଟିକେ ପଶ୍ଚ୍ୟତାପ ଓ ଅନୁତାପ କର ଓଡ଼ିଶାବାସୀ ଆପଣମାନଙ୍କୁ କ୍ଷମା କରିବେ । ନଚେତ୍ ଆଉ କିଛି ମାସ ପରେ ଓଡ଼ିଶାବାସୀ କ୍ଷମା ଦେବେନି । ବିକାଶକୁ ବିରୋଧ କରି ଭାରତ ବର୍ଷରେ କେହି ଜିତି ନାହାନ୍ତି କି ଆପଣମାନେ ଜିତି ପାରିବେନି ବୋଲି ଅରୁଣ ସାହୁ କହିଛନ୍ତି ।