କୋରାପୁଟ, (ବାଘୁଆବାର୍ତ୍ତା): ପଇଡ ବୋଝେଇ ଟ୍ରକ୍ ହେଉଥିଲା ଗଞ୍ଜେଇ ଚୋରା ଚାଲାଣ । ଗାଡ଼ି ଚେକିଂରୁ ଧରା ପଡିଲା ଚୋରା ଚାଲାଣ ଗୁମର କଥା । ଚେକିଂ ସମୟରେ ପଇଡ ବୋଝେଇ ଟ୍ରକରୁ ଲକ୍ଷାଧିକ ଟଙ୍କାର ଗଞ୍ଜେଇ ଜବତ ସହ ୩ଜଣଙ୍କୁ ଗିରଫ୍ କରିଛି ପୁଲିସ୍ । ଏଭଳି ଘଟଣା ଘଟିଛି ନନ୍ଦପୁର ଥାନା ଅଞ୍ଚଳରେ । ସୂଚନାନୁସାରେ, କୋରାପୁଟ ଜିଲ୍ଲା ନନ୍ଦପୁର ଥାନା ପୁଲିସ୍ ବ୍ଲକ୍ ଛକରେ ଚେକିଂ କରୁଥିବା ବେଳେ ଦ୍ରୁତ ଗତିରେ ଏକ ଟ୍ରକ ଆସୁଥିବା ଦେଖି ଅଟକାଇ ଥିଲେ । ଟ୍ରକ୍ ଅଟକାଇ ପୁଲିସ୍ ତନଖି କରିବା ପରେ ପଇଡ ଭର୍ତ୍ତି ହୋଇଥିବା ଦେଖିବା ପରେ ପୁଲିସ ପଇଡ କିଛି ବାହାର କରିଥିଲା । କିଛି ପଇଡ ବାହାରି ପରେ ପ୍ୟାକେଟ୍ ସବୁ ଦେଖି ବାହାର କରି ଦେଖିଲା ବେଳକୁ ଗଞ୍ଜେଇ ଦେଖି ଥାନାକୁ ନେଇ ଟ୍ରକରୁ ସବୁ ପଇଡ ଖାଲି କରିଥିଲା । ଉପରେ ପଇଡ ରଖି ଭିତରେ ଗଞ୍ଜେଇ ପ୍ୟାକେଟ୍ ସବୁ ପୁଲିସ୍ ଜବତ କରିଛି । ଟ୍ରକରୁ ୪କ୍ୱିଣ୍ଟାଲ ୫୬କେଜି ଗଞ୍ଜେଇ ଜବତ କରିବା ସହ ୩ଜଣଙ୍କୁ ଗିରଫ୍ କରିଛି ପଚରାଉଚରା ଆରମ୍ଭ କରିଛି । ପୁଲିସର ପ୍ରାଥମିକ ତଦନ୍ତରୁ ଉକ୍ତ ଗଞ୍ଜେଇ ସବୁ କୋଟାପୁଟ ପାଡୁଆରୁ ଲୋଡ ହୋଇ ଉତ୍ତରପ୍ରଦେଶ ଚାଲାଣ ହେଉଥିଲା । ଜବତ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ ୪୦ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଇଛି ।
