ଭୁବନେଶ୍ୱର, (ବାଘୁଆବାର୍ତ୍ତା): ରେଳ ବିହାରରୁ ଚୋରି ଅଭିଯୋଗରେ ୩ ଅଭିଯୁକ୍ତକୁ ଗିରଫ୍ କରିଛି ଆରପିଏଫ୍ ପୁଲିସ୍ । ସୂଚନାନୁସାରେ, ଭୁବନେଶ୍ୱର ରେଳ ବିହାରରୁ ୩ଜଣ ବ୍ୟକ୍ତି ଏସି ଓ ତମ୍ବା ତାର ଚୋରି କରୁଥିବା ନେଇ ରେଳ ବିହାରର ବାସିନ୍ଦା ଦେଖି ଆରପିଏଫ୍ ପୁଲିସକୁ ସୂଚନା ଦେଇଥିଲେ । ଖବର ପାଇବା କ୍ଷଣି ଆରପିଏଫ୍ ପୁଲିସ୍ ସିସିଟିଭି ଫୁଟେଜ୍ ଯାଞ୍ଚ କରିବା ସହିତ ଆରପିଏଫ୍ କ୍ରାଇମ୍ ତଦନ୍ତକାରୀ ଟିମ୍ ଓ ମୁଖ୍ୟାଳୟ ଆରପିଏଫ୍ ରିଜର୍ଭ କଂପାନୀର ମିଳିତ ସହଯୋଗରେ ୩ ଅଭିଯୁକ୍ତ ଗିରଫ୍ କରିବା ସହିତ ଚୋରୀ ସାମଗ୍ରୀ ଜବତ କରିଛି ଆରପିଏଫ୍ ପୁଲିସ୍ । ଗିରଫ୍ ହୋଇଥିବା ଅଭିଯୁକ୍ତ ମାନେ ଭୁବନେଶ୍ୱର ସାଲିଆ ସାହି ଅଞ୍ଚଳର ବୋଲି ଜଣାପଡିଛି । ୩ ଜଣ ଅଭିଯୁକ୍ତଙ୍କୁ ମଞ୍ଚେଶ୍ୱର ଆରପିଏଫ୍ ପୋଷ୍ଟକୁ ପଟାଇ ଦିଆଯାଇଛି ।
