କନ୍ଧମାଳ, (ବାଘୁଆବାର୍ତ୍ତା) : କେଏଲ୍ଏଫ୍ ଦ୍ୱାରା ଆୟୋଜିତ କନ୍ଧମାଳ ସାହିତ୍ୟ ମହୋତ୍ସବ ଦୁଇ ଦନ ବ୍ୟାପି ଅନୁଷ୍ଠିତ ହୋଇଯାଇଛି । ଏହାର ଉଦ୍ଘାଟନି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ କେନ୍ଦ୍ର ସାହିତ୍ୟ ଏକାଡେମୀ ନିର୍ବାହୀ ସଦସ୍ୟ କବି ଅମରେଶ ପଟ୍ଟନାୟକ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ସମନ୍ୱିତ ଆଦିବାସୀ ଉନ୍ନୟନ ସଂସ୍ଥାର ପ୍ରକଳ୍ପ ପ୍ରଶାସନ ବିରେନ୍ଦ୍ର କୁମାର ଦାଶ, ଆଇନଜିବୀ ବିଜୟ କୃଷ୍ଣପଟ୍ଟନାୟକ, ଫୁଲବାଣୀ ଲେଖକ ସାମ୍ମୁଖ୍ୟର ରବିନ୍ଦ୍ର ମିଶ୍ର ପ୍ରମୂଖ ଯୋଗ ଦେଇଥିଲେ । ସେହିଭଳି ଉଦ୍ଯାପନି କାର୍ଯ୍ୟକ୍ରମରେ ସାଂସଦ ଡ. ଅଚ୍ୟୁତା ନନ୍ଦ ସାମନ୍ତ, ବିଧାୟକ ଅଙ୍ଗଦ କହଁର, ସମାଜସେବୀ ଈଶ୍ୱର ନାୟକ ଯୋଗ ଦେଇଥିଲେ । ଦୁଇଦିନ ବ୍ୟାପି ଆୟୋଜିତ କାର୍ଯ୍ୟକ୍ରମରେ ବରିଷ୍ଠ କଥାକାର ଜ୍ୟୋତି ନନ୍ଦ, ସମ୍ଭକାର କେଦାର ମିଶ୍ର, ସମ୍ବାଦ ସାହିତ୍ୟ ଘର ରାଜ୍ୟ ସଂଯୋଜିକା ଶୁଭଶ୍ରୀ ଲେଙ୍କା, ଜ୍ୟୋତିମୟୀ କହଁର, କ୍ଷେତ୍ରବାସୀ ମାନସେଠ୍, ବିଦେଶୀ ନାୟକ, କଥାକାର ରଂଜନ ପ୍ରଧାନ, ଗାଳ୍ପିକ ଆଦିତେଶ୍ୱର ମିଶ୍ର, ଚଳଚ୍ଚିତ୍ର ନିର୍ମାତା ଦେବୀଦତ୍ତ ମହାନ୍ତି, ମଦନ ମହାପାତ୍ର୍ର, ହାଡ଼ିବନ୍ଧୁ ମହାକୁଡ଼, ସୁଜିତ ପଣ୍ଡା, ରାମକୃଷ୍ଣ ମହାନ୍ତି, ଆଶିଷ କୁମାର ମିଶ୍ର, କ୍ଷୀରୋଦିନ ବେହେରା, କଥାକାର ଅମରେଶ ବିଶ୍ୱାଳ, ଯୁବ କଥାଶିଳ୍ପୀ ଅନୀଲ କୁମାର ପଣ୍ଡା, ଯୋଗେଶ୍ୱର ପଣ୍ଡା, ଦେବମିତ୍ରା ମିଶ୍ର ପ୍ରମୂଖ ଯୋଗ ଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ । ଏହି କାର୍ଯ୍ୟକ୍ରମକୁ କବି ଓ ଅନୁବାଦକ ଶରତ ଚନ୍ଦ୍ର ଆଚାଯ୍ୟ ସଂଯୋଜନା କରିଥିବା ବେଳେ ରଶ୍ମିରଂଜନ ପରିଡ଼ା, କଥାକାର ଦେବାଶିଷ ସାମନ୍ତାରାୟ, ସୀତାଂଶୁ ମହାପାତ୍ର ପରିଚାଳନା କରିଥିଲେ ।
