ନୂଆଦିଲ୍ଲୀ,(ବାଘୁଆବାର୍ତ୍ତା): ଦେଶରେ ମହିଳାମାନଙ୍କ ଆବଶ୍ୟକତା ଅନୁଯାୟୀ ୨୪ସପ୍ତାହ ମଧ୍ୟରେ ଗର୍ଭପାତ କରିବାକୁ ନେଇ ଆଇନଗତ ଅଧିକାର ମିଳିବ । ରାଜ୍ୟସଭାରେ ଏନେଇ ଆଗତ ସ୍ୱତନ୍ତ୍ର ବିଧେୟକକୁ ମଞ୍ଜୁରୀ ମିଳିବା ପରେ ଏହା ଲୋକସଭାରେ ମଧ୍ୟ ପାରିତ ହୋଇଛି । କେବଳ ରାଷ୍ଟ୍ରପତିଙ୍କ ମୋହର ଲାଗିଲା ପରେ ଏହା ଆଇନରେ ପରିଣତ ହେବ । ଆବଶ୍ୟକତା ଅନୁସାରେ, ଦେଶରେ କୌଣସି ବି ମହିଳା ଗର୍ଭଧାରଣ ସମୟରେ ୨୪ସପ୍ତାହ ପର୍ଯ୍ୟନ୍ତ ଗର୍ଭଧାରଣ କରିପାରିବେ । ପୂର୍ବରୁ ଏହି ନିୟମ ୨୦ସପ୍ତାହ ଥିବା ବେଳେ ସ୍ୱତନ୍ତ୍ର ପରିସ୍ଥିତି ଅନ୍ତର୍ଗତ ଦୁଷ୍କର୍ମ ପିଡିତା ଦିବ୍ୟାଙ୍ଗ ଓ ନାବାଳିକାମାନଙ୍କ କ୍ଷେତ୍ରରେ ଗର୍ଭପାତ କରାଇବାକୁ ଅନୁମତି ଦିଆଯିବା ନେଇ ବହୁଦିନରୁ ସରକାର ଯୋଜନା କରିଆସୁଥିଲେ । ରାଜ୍ୟସଭାରେ ଏହି ବିଲ୍ ଉପରେ ହୋଇଥିବା ଆଲୋଚନାରେ ମହିଳାମାନଙ୍କ କ୍ଷେତ୍ରରେ ବିକଶିତ ହେବ ବୋଲି ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରୀ ଡ଼ ହର୍ଷ ବର୍ଦ୍ଧନ ସୂଚନା ଦେଇଛନ୍ତି ।
