ଅହମ୍ମଦାବାଦ,(ବାଘୁଆବାର୍ତ୍ତା): ଅହମ୍ମଦାବାଦରେ ଟି-୨୦ ସିରିଜ୍ କ୍ରିକେଟ ମ୍ୟାଚ ଅନୁଷ୍ଠିତ ହେଉଛି । ଭାରତ ଓ ଇଂଲଣ୍ଡ ଦୁଇଟି ଲେଖାଏଁ ବିଜୟୀ ହୋଇ ୨-୨ରେ ବରାବର ଥିବା ବେଳେ ଆଜି ୫ମ ମ୍ୟାଚରେ ଇଂଲଣ୍ଡ ଟଜ୍ ଜିତି ଫିଲଡିଂ କରିବାକୁ ନିଷ୍ପତ୍ତି ନେଇଥିଲା । ଭାରତ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ଓଭରରେ ମୂଲ୍ୟବାନ ୨ଟି ୱିକେଟ ହରାଇ ୨୨୪ରନ୍ କରିବାରେ ସକ୍ଷମ ହୋଇଛି । ଭରତ ପକ୍ଷରୁ ଆଜି ଓପିଂରେ ପରିବର୍ତ୍ତନ କରାଯାଇଥିବା ବେଳେ ହିଟ୍ ମ୍ୟାନ ରୋହିତ୍ ଶର୍ମା ଓ କ୍ୟାପଟେନ ବିରାଟ କୋହିଲ ବ୍ୟାଟିଂ କରିବାକୁ ପଡିଆ ଭିତରକୁ ପ୍ରବେଶ କରିଥିଲେ । ଉଭୟଙ୍କ ଧୂଆଁଧାର ବ୍ୟାଟିଂ କରି ରୋହିତ୍ ଶର୍ମା ୩୪ଟି ବଲ ଖେଳି ୫ଟି ଛକା ଓ ୪ଟି ଚୌକା ସହାୟତାରେ ୬୪ରନ୍ କରି ସ୍କୋକ୍ଙ୍କ ବଲ୍ରେ ବୋଲ୍ଡ ହୋଇ ପ୍ୟାଭେଲିୟନକୁ ଫେରିଥିଲେ । ସେହିଭଳି ସୂର୍ଯ୍ୟକୁମାର ଯାଦବ ୧୭ଟି ବଲ ଖେଳି ୨ଟି ଛକା ଓ ୩ଟି ଚୌକା ସହାୟତାରେ ୩୨ରନ କରି ଆଉଟ ହୋଇଥିଲେ । ବିରାଟ କୋହିଲ ୫୨ଟି ବଲ ଖେଳି ୨ଟି ଛକା ଓ ୭ଟି ଚୌକା ମାରି ୮୦ରନ କରି ନଟ୍ ଆଉଟ ଥିବା ବେଳେ ଅଲରାଉଣ୍ଡର ହାର୍ଦ୍ଦିକ ପାଣ୍ଡିଆ ୧୭ଟି ବଲ୍ ଖେଳି ୨ଟି ଛକା ଓ ୪ଟି ଚୌକା ମାରି ୩୯ରନ କରି ନଟ୍ ଆଉଟ ଥିବା ଜଣାପଡିଛି । ଇଂଲଣ୍ଡ ପକ୍ଷରୁ ସ୍ଟୋକ୍ ଓ ରାସି୍ ଗୋଟିଏ ଲେଖାଏଁ ୱିକେଟ ନେଇଥି ବେଳେ ଭାରତ ୨୨୪ରନ କରି ପ୍ରତିପକ୍ଷ ଇଂଲଣ୍ଡକୁ ୨୨୫ରନ୍ ବଜୟୀ ଟାର୍ଗେଟ ଦେଇଛି । ତେବେ ରିପୋର୍ଟ ଲେଖିବା ପର୍ଯ୍ୟନ୍ତ ଇଂଲଣ୍ଡ ଦ୍ୱିତୀୟ ଇଂନିସରେ ୧ଟି ୱିକେଟ ହରାଇ ୧୯ରନ କରିଥିବା ଜଣାପଡିଛି ।
