ରାଜ୍ୟରେ କରୋନାର ଦ୍ୱିତୀୟ ଲହର: ୨୧ଆଇଏଏସଙ୍କୁ ବିଭିନ୍ନ ଜିଲ୍ଲାର ଦାୟୀତ୍ୱ

ଭୁବନେଶ୍ୱର, (ବାଘୁଆବାର୍ତ୍ତା):  ଦିନକୁ ଦିନ ମହାମାରୀ କରୋନା ବଢି ଚାଲିଛି । ରାଜ୍ୟରେ କରୋନାର ଦ୍ୱିତୀୟ ଲହର ପ୍ରଭାବ ପଡିଛି । ଯାହାକୁ ଦୃଷ୍ଟିରେ ରଖି ରାଜ୍ୟ ସରକାର ଯୁଦ୍ଧଂ ଦେହି ଡାକରା ଦେଇଥିବା ଜଣାପଡିଛି । ଏ ନେଇ ଆଜି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ରଙ୍କ ସୂଚନା ଅନୁସାରେ, ରାଜ୍ୟରେ କରୋନା ସ୍ଥିତି ବିଗିଡିବାରେ ଲାଗିଛି । ଏଥି ପାଇଁ ରାଜ୍ୟ ସରକାର ସମସ୍ତ ଜନସାଧାରଣଙ୍କୁ ମାସ୍କ ଓ ସାମାଜିକ ଦୂରତା ବଜାୟ ରଖିବା ପାଇଁ ଅନୁରୋଧ କରିଥିବା ବେଳେ ଆଜି ୧୪ଜଣ ଆଇଏଏସ ଅଧିକାରୀଙ୍କୁ ରାଜ୍ୟର ବିଭିନ୍ନ ଜିଲ୍ଲାର ପର୍ଯ୍ୟବେକ୍ଷକ ଭାବେ ଦାୟୀତ୍ୱ ଦିଆଯାଇଥିବା ଜଣାପଡିଛି । ପୂର୍ବରୁ ୭ଜଣ ଆଇଏଏସଙ୍କୁ ଦାୟୀତ୍ୱ ଦିଆଯାଇଥିବା ବେଳେ ଆଜି ପୁଣି ୧୪ଜଣ ଆଇଏଏସଙ୍କୁ ଦାୟୀତ୍ୱ ଦିଆଯାଇଛି । ଆଇଏଏସ ଅନୁ ଗର୍ଗ ଓ ଥିରୁମାଲା ନାୟକଙ୍କୁ ଭୁବନେଶ୍ୱର ଦାୟୀତ୍ୱ, ଆଇଏଏସ ମଧୂସୁଧନ ପାଢିଙ୍କୁ ଭଦ୍ରକ ଓ ବାଲେଶ୍ୱର ଜିଲ୍ଲା, ଆଇଏଏସ ବେଣୁଧର ବେହେରା ଓ ସତ୍ୟବ୍ରତ ସାହୁଙ୍କୁ ବରଗଡ଼, ବଲାଙ୍ଗିର ଓ ନୂଆପଡ଼ା ଜିଲ୍ଲା, ଆଇଏଏସ ସୁରେନ୍ଦ୍ର କୁମାର ଓ ଶ୍ରୀକାନ୍ତ ପୃଷ୍ଟିଙ୍କୁ ମୟୂରଭଞ୍ଜ ଓ କେନ୍ଦୁଝର ଜିଲ୍ଲା, ଆଇଏଏସ ହେମନ୍ତ ଶର୍ମା ଓ ଡ଼ ସୁରେଶ ଚନ୍ଦ୍ର ଦଳାଇଙ୍କୁ ଯାଜପୁର, ଜଗତସିଂହପୁର ଓ କେନ୍ଦ୍ରାପଡ଼ା ଜିଲ୍ଲା, ଆଇଏଏସ ନିକୁଞ୍ଜ ଧଳଙ୍କୁ ଝାରସୁଗୁଡ଼ା ଓ ସୁନ୍ଦରଗଡ଼ ଜିଲ୍ଲା, ଆଇଏଏସ ଜି. ମାଥିଭାଟନାନ୍ ଗଞ୍ଜାମ ଓ ଗଜପତି ଜିଲ୍ଲା, ଆଇଏଏସ ବିଷ୍ଣୁପଦ ସେଠୀ ଓ ଗୋପବନ୍ଧୁ ଶତପଥିଙ୍କୁ ଅନୁଗୁଳ, ଦେଓଗଡ଼ ଓ ଢେଙ୍କାନାଳ ଜିଲ୍ଲା, ଆଇଏଏସ ଚିତ୍ରା ଅରୁମୁଗମ୍ଙ୍କୁ ସମ୍ବଲପୁର ଓ ସୋନପୁର ଜିଲ୍ଲା, ଆଇଏଏସ ଶାସ୍ୱତ ମିଶ୍ର ଓ ବିଷ୍ଣୁ ପ୍ରସାଦ ମିଶ୍ରଙ୍କୁ କଳାହାଣ୍ଡି, କନ୍ଧମାଳ ଓ ବୌଦ୍ଧ ଜିଲ୍ଲା, ଆଇଏଏସ ଭି.ଭି ୟାଦବ ଓ ରସିଦ୍ ଖାଁନଙ୍କୁ କୋରାପୁଟ, ମାଲକାନଗିରି ଓ ନବରଙ୍ଗପୁର ଜିଲ୍ଲା, ଆଇଏଏସ ଅନିଲ କୁମାର ସାମଲଙ୍କୁ ନୟାଗଡ଼ ଜିଲ୍ଲା ସହିତ କଟକ ସହର, କଟକ ଗ୍ରମାଞ୍ଚଳ ଓ ଖୋର୍ଦ୍ଧା ଗ୍ରାମାଞ୍ଚଳର ଦାୟୀତ୍ୱ, ଆଇଏଏସ ସୁଶାନ୍ତ ମହାପାତ୍ରଙ୍କୁ ମଧ୍ୟ କଟକ ଗ୍ରାମାଞ୍ଚଳ ଓ କଟକ ସହରାଞ୍ଚଳର ଦାୟୀତ୍ୱ ଦିଆଯାଇଛି । ପୂର୍ବରୁ ୧୦ଟି ଜିଲ୍ଲାରେ ରାତ୍ରୀକାଳିନ କର୍ଫ୍ୟୁ ଜାରି କରାଯାଇଥିବା ବେଳେ ଆଜି ଠାରୁ ଆଉ ୧୦ଟି ଜିଲ୍ଲାରେ ରାତ୍ରୀ କାଳିନ କର୍ଫ୍ୟୁ ଲାଗୁ କରାଯାଇଛି ।