ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଟାଉନଥାନା ପୁଲିସ ଦୁଇ ଜଣ ଚୋରଙ୍କୁ ଗିରଫ କରି କୋର୍ଟ ଚାଲାଣ କରିଛି । ସୂଚନାନୁସାରେ, ନୟାଗଡ଼ ଟାଉନଥାନା ବେବର୍ତ୍ତାପଲ୍ଲୀ ନିକଟରେ ଥିବା ଜୀବନ ପାତ୍ରଙ୍କ ଜିମ୍ ସେଣ୍ଟରେ ଲାଗିଥିବା ଏସ୍ି ଗୁଡ଼ିକର ତମ୍ବା ପାଇପ ଏବଂ ମୁଲ୍ୟବାନ ତାର କିଛି ଚୋରୀ ହୋଇଥିଲା । ଏହାକୁ ନେଇ ଜୀବନ ଥାନାରେ ଅଭିଯୋଗ କରିଥିଲେ । ପୁଲିସ ଏହି ଘଟଣାରେ ବେବର୍ତ୍ତାପଲ୍ଳୀ ଗ୍ରାମର ସୁନିଲ ନାୟକ ଓରଫ ଗଞ୍ଜା ଏବଂ ବରପଲ୍ଲୀ ଗ୍ରାମର ଚକ୍ରଧର ନନ୍ଦଙ୍କ ପୁଅ ଉଦୟନାଥ ନନ୍ଦଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଆଇଆଇସି ଜୟଦୀପ ମହାନ୍ତି ସୂଚନା ଦେଇଛନ୍ତି ।
