ନୂଆଦିଲ୍ଲୀ, (ବାଘୁଆବାର୍ତ୍ତା): ସାରା ଦେଶରେ ମହାମାରୀ କରୋନା ସଂକ୍ରମିତଙ୍କ ସଂଖ୍ୟା ବ୍ୟାପକ ପରିମାଣରେ ବ୍ୟାପୁଥିବା ବେଳେ ଆସିଛି ଏକ ଆଶ୍ୱସ୍ତିକର ଖବର । ମହାମାରୀ କରୋନାକୁ ମାତ ଦେବାକୁ ଆସିଛି ଆଉ ଏକ ଔଷଧ । ଯେଉଁ ଔଷଧ ବ୍ୟବହାର କରିବା ପାଇଁ ଆଜି ମଞ୍ଜୁରୀ ମିଳିଛି । କରୋନା ମୁକାବିଲା କ୍ଷେତ୍ରରେ ଜରୁରୀକାଳିନ ପରିସ୍ଥିତିରେ ବ୍ୟବହାର ପାଇଁ ଔଷଧକୁ ଅନୁମତି ଦେଇଛି ଡିସିଜିଆଇ । ଏହି ଔଷଧ ଡିଆରଡିଓର ଇନଷ୍ଟିଚ୍ୟୁଟ ଅଫ୍ ନ୍ୟୁୟର୍କର ମେଡିସିନ ଆଣ୍ଡ ଆଲାଉଡ୍ ମଲିକ୍ୟୁଲାର ବାୟୋଲୋଜି(ଆଇଏନଏମଏଏସ) ଏବଂ ହାଇଦ୍ରାବାଦ ସେଣ୍ଟର ଅଫ୍ ସେଲ୍ୟୁଲାର ଆଣ୍ଡ ମଲିକ୍ୟୁଲାର ବାୟୋଲୋଜି (ସିସିଏମବି)ର ମିଳିତ ପ୍ରୟାସରେ ପ୍ରସ୍ତୁତ କରାଯାଇଛି । ମେଡିସିନର ନାଁ ରଖାଯାଇଛି ଟୁ-ଡେଓକ୍ସି-ଡି-ଗ୍ଲୁକୋଜ୍(ଟୁ-ଡିଜି) । ଏହି ଔଷଧ ଉତ୍ପାଦନ ପାଇଁ ହାଇଦ୍ରାବାଦ ସ୍ଥିତ ଡ. ରେଡ୍ଡୀ ଲାବ୍ରୋଟୋରୀକୁ ଅନୁମତି ଦିଆଯାଇଛି ବୋଲି ସୂଚନା ମିଳିଛି ।
