ମୁନିଗୁଡା, (ବାଘୁଆବାର୍ତ୍ତା): ରାୟଗଡା ଜିଲ୍ଲା ମୁନିଗୁଡା ଶ୍ମଶାନ ନାଳ ନିକଟରୁ ଏକ କାରକୁ ଯାଞ୍ଚ ବେଳେ ସେଥିରୁ ୧ କ୍ବିଣ୍ଟାଲ ୧୦ କେଜି ଗଞ୍ଜେଇ ଜବତ ହୋଇଛି। ଜବତ ଗଞ୍ଜେଇର ଆନୁମାନିକ ମୂଲ୍ୟ ୧୧ ଲକ୍ଷ ଟଙ୍କା ହେବ। ଏଥସହ ପୋଲିସ ଜଣକୁ ଗିରଫ କରିଛି। ରାୟଗଡା ଜିଲ୍ଲା ମୁନିଗୁଡା ଶ୍ମସାନ ନାଳ ନିକଟରେ ପୋଲିସ ଗାଡିମଟର ଯାଞ୍ଚ କରୁଥିଲା। ଏହି ସମୟରେ ଦୃତ ଗତିରେ ଆସୁଥିବା ଏକ ଇଣ୍ଡିଗୋ କାର କୁ ଅଟକାଇ ତନଖି କରିଥିଲା। ଯାଞ୍ଚ ସମୟରେ ସେଥିରେ ଗଞ୍ଜେଇ ଥିବା ପୋଲିସ ଜାଣିବାକୁ ପାଇଥିଲା। ଗାଡିରୁ ୧ କ୍ବିଣ୍ଟାଲ ୧୦ କେଜି ଗଞ୍ଜେଇ ଜବତ ହୋଇଥିଲା। ଏହାର ଆନୁମାନିକ ମୂଲ୍ୟ ପ୍ରାୟ ୧୧ ଲକ୍ଷ୍ ଟଙ୍କା ହେବ। ତେବେ ପୋଲିସ ଫ ଗାଡି ଡ୍ରାଇଭର କୁ ଗିରଫ କରିଥିବା ବେଳେ ଗାଡିରେ ବସିଥିବା ଗଞ୍ଜେଇ ମାଫିଆ ଚମ୍ପଟ ମାରିଥିଲା । ଗିରଫ ଡ୍ରାଇଭର ଜଣକ ବିରେନ୍ଦ୍ର ସିଂ । ଏହି ଗଞ୍ଜେଇ କେନ୍ଦୁଗୁଡାରୁ ମଧ୍ୟପ୍ରଦେଶ କୁ ଚାଲାଣ ହେଉଥିବା ଗିରଫ ଡ୍ରାଇଭର କହିଛି । ଏଥିରେ ସପୃକ୍ତ ଗଞେଇ ମାଫିଆ କୁ ଧରିବାକୁ ପୋଲିସ ତନାଘନା ଆରମ୍ଭ କରିଦେଇଛି ।
