ନୟାଗଡ଼ (ବାଘୁଆବାର୍ତ୍ତା) : କୁସୁମୀ ବ୍ୟାରେଜ ନିର୍ମାଣ ଶିଳାନ୍ୟାସ ସଭାରେ ମନ୍ତ୍ରୀ ଡ. ଅରୁଣ କୁମାର ସାହୁ ଆଜି ଭାବବିହ୍ୱଳ ହୋଇ କୁସମୀ ପାଇଁ ନିୟମିତ ଭାବେ ଚାଲିଥିବା କସରତ ସଂମ୍ପର୍କରେ ବଖାଣିବା ସହ ୧୦ ବର୍ଷର ଯାତ୍ରା ଆଜି ନିର୍ଣ୍ଣାୟକ ମୋଡ଼ରେ ପହଂଚିଛି ବୋଲି କହିଛନ୍ତି । ୨୦୦୮ ମସିହାରୁ ଏହା ଚିନ୍ତା କରାଯିବା ପରେ କେବଳ ଆବଶ୍ୟକୀୟ କ୍ଲିୟରାନ୍ସ ପାଇଁ ୨୦୧୪ ପର୍ଯ୍ୟନ୍ତ ସମୟ ଲାଗିଯାଇଥିବା ବୋଲି କହିଥିଲେ । ୨୦୧୪ ମସିହାରୁ ୨୦୧୯ମସିହା ପର୍ଯ୍ୟନ୍ତ ଆଗପଛ ହୋଇ ଆଜି ଏକାର୍ଯ୍ୟ ନିର୍ଣ୍ଣାୟକ ମୋଡ଼ରେ ପହଂଚିଥିବା ବେଳେ ଆଗକୁ ବଢ଼ିବାକୁ ହେଲେ ସମସ୍ତଙ୍କ ସହଯୋଗ ଲୋଡ଼ ବୋଲି କହିଛନ୍ତି । ନୟାଗଡ଼ ଜନସାଧାରଣ ସଦାସର୍ବଦା ସହଯୋଗ କରି ଆସିଛନ୍ତି, ଏହି ପ୍ରକଳ୍ପଟିର ସ୍ଥାନକୁ ଚାଷୀ ଚିହ୍ନଟ କରିଥିଲେ । ଏହା ନିଶ୍ଚୟ ସଫଳ ହେବ, ନହେବା କାମ କଲେ ତୁମେ ପ୍ରକୃତ ଜନପ୍ରତିନିଧି ବୋଲି ମନ୍ତ୍ରୀ ମତ ଦେଇଛନ୍ତି । ସମସ୍ତ ଜନପ୍ରତିନିଧି ଓ ଜନସାଧାରଣଙ୍କର ଏହି ପ୍ରକଳ୍ପ ପ୍ରତି ସମର୍ଥନ ରହିଛି, ନିଶ୍ଚିତ ଏକାମ ସମାପ୍ତ ହେବ ।
