ଦଶପଲ୍ଲା, (ବାଘୁଆବାର୍ତ୍ତା): ଆଜି ଦଶପଲ୍ଲା ବ୍ଲକ ର ଟାକରା ପଞ୍ଚାୟତରେ ଥିବା ଅଗ୍ରଣୀ ଯୁବ ସଂଗଠନ ୟୁଥ୍ ୟୁନାଇଟେଡ଼ କ୍ଳବ୍ ତରଫରୁ ତା’ର ୨୧ତମ ବାର୍ଷିକ କ୍ରୀଡ଼ା ଉତ୍ସବର ଉଦ୍ଘାଟନ ହୋଇଯାଇଛି।ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ରାଜ୍ୟ ବିଜେଡି ମହିଳା ସେଲ୍ ର ସଂପାଦିକା ମାମି ନାୟକ , ସମ୍ମାନୀତ ଅତିଥି ଭାବରେ ଟାକରା ଗ୍ରାମ ପଞ୍ଚାୟତ ର ସରପଞ୍ଚ ମଦନ କୁମାର ଜାନୀ, ସମିତିସଭ୍ୟ ପ୍ରଶାନ୍ତ କୁମାର ଦଳବେହେରା ଯୋଗଦେଇ କାର୍ଯ୍ୟକ୍ରମକୁ ଉଦ୍ଘାଟନ କରିଥିବାବେଳେ ଆଜିର ଏହି ପ୍ରଥମ ଦିବସର କ୍ରିକେଟ ଟୁର୍ଣ୍ଣାମେଣ୍ଟ ରେ ମକରପ୍ରସାଦ.vs କୁଲୁରୁକୁମ୍ପା ମଧ୍ୟରେ କ୍ରୀଡ଼ା ଅନୁଷ୍ଠିତ ହୋଇଥିଲା ।
ଆଜିର ପ୍ରଥମ ଦିନର ମ୍ୟାଚ କୁ ୟୁଥ୍ ୟୁନାଇଟେଡ଼ କ୍ଳବ୍ ର ସଭ୍ୟ ଅଶୋକ କୁମାର ସାହୁ,ପ୍ରତାପ ଚନ୍ଦ୍ର ଦଳବେହେରା ପରିଚାଳନା କରୁଥିବାବେଳେ କ୍ଳବ୍ ର ସଭ୍ୟ ଅନିଲ କୁମାର ପରିଡ଼ା,ପ୍ରିୟବ୍ରତ ଆଚାର୍ଯ୍ୟ, ପ୍ରକାଶ କୁମାର ନାୟକ,ଶ୍ରୀକାନ୍ତ ଗୁରୁ(ଲାଲା),ଅଶୋକ କୁମାର ସାହୁ, ବାସୁଦେବ ସାହୁ ,ବଳଭଦ୍ର ବାରିକ,ଶିବାନନ୍ଦ ସାହୁ ସଫଳ ରୂପାୟନ ପୂର୍ବକ ସହଯୋଗ କରୁଛନ୍ତି ।ଏହି କାର୍ଯ୍ୟକ୍ରମ ଆସନ୍ତା ୩୦ ତାରିଖ ପର୍ଯ୍ୟନ୍ତ ଚାଲିବ ବୋଲି ୟୁଥ୍ ୟୁନାଇଟେଡ଼ କ୍ଳବ୍ ର ସଭ୍ୟ ଅନିଲ କୁମାର ପରିଡ଼ା ଓ ପ୍ରିୟବ୍ରତ ଆଚାର୍ଯ୍ୟ କହିଛନ୍ତି । ତତ୍ ସହିତ ୟୁଥ୍ ୟୁନାଇଟେଡ଼ କ୍ଳବ୍ ର ସମସ୍ତ ସଭ୍ୟ ମଧ୍ୟ କାର୍ଯ୍ୟକ୍ରମରେ ଉପସ୍ଥିତ ଥିବା ଜଣାପଡିଛି।
