ନ୍ୟାୟ ପାଇଁ ଏସପିଙ୍କ କାର୍ୟ୍ୟାଳୟ ଆଗରେ ଧାରଣାରେ ବସିବା ପରେ ଆତ୍ମାହୁତି ଉଦ୍ୟମ କଲେ ଅଗ୍ନିବିପନ୍ନ

ଭଦ୍ରକ, (ବାଘୁଆବାର୍ତ୍ତା): ସୂଚନା ଅନୁଯାୟୀ ଭଦ୍ରକ ଗବସାହି ଠାରେ ଗତ ଏପ୍ରିଲ ମାସ ୧୪ ତାରିଖରେ ସୁଦର୍ଶନ ଦାସ ଘର ପୋଡି ପାଉଁଶ ହୋଇଯାଇଥିଲା । ଏହି ଘର ପୋଡି ତାଙ୍କ ପଡୋଶୀ ପରିବାରର ଲୋକେ ଜାଣି ଶୁଣି ନିଆଁ ଲଗାଇଥିବା ନେଇ ଅଭିଯୋଗ କରିଥିଲେ ।ଏପରିକି ଅପରପକ୍ଷେଙ୍କ ପକ୍ଷରୁ ଥାନାରେ ମଧ୍ୟ ଅଭିଯୋଗ ହୋଇଥିଲା ।ଟାଉନ ପୋଲିସ ପକ୍ଷରୁ ଅଗ୍ନିବିପନ୍ନ ସୁଦର୍ଶନ ଦାସଙ୍କ ପରିବାରକୁ ଥାନାକୁ ଡାକି ତାଙ୍କ ପୁଅକୁ ଗିରଫ କରିବାରୁ ପ୍ରଥମେ ଟାଉନ ଥାନା ଆଗରେ ପରିବାର ପକ୍ଷରୁ ଧାରଣା ଦିଆଯାଇଥିଲା । ପରେ ପରିବାର ଲୋକମାନେ ନ୍ୟାୟ ପାଇଁ ଏସପିଙ୍କ କାର୍ୟ୍ୟାଳୟ ଆଗରେ ଧାରଣାରେ ବସିଥିଲେ । ପରେ ପରିବାର ଲୋକେ ଗିରଫଦାରୀକୁ ବିରୋଧ କରି ଏସପିଙ୍କ କାର୍ୟ୍ୟାଳୟ ସମ୍ମୁଖରେ ପେଟ୍ରୋଲ ଢାଳି ଆତ୍ମାହୁତି ଉଦ୍ୟମ କରିଥିଲେ । ତେବେ ଭଦ୍ରକ ପୋଲିସ ପରିବାରର ୪ ଜଣଙ୍କୁ ଅଟକ ରଖିଛି ।