ରାଜ୍ୟ ସରକାରଙ୍କ କ୍ଷେତ୍ରରେ ପୁରୀର ଅନେକ ବିକାଶ ହୋଇଛି:ବିଜେପି ବିଧାୟକ

ଭୁବନେଶ୍ୱର, (ବାଘୁଆବାର୍ତ୍ତା): ଶ୍ରୀ ମନ୍ଦିର ପରିକ୍ରମା ପ୍ରକଳ୍ପକୁ ନେଇ ଗୋଟିଏ ପରେ ବିଜେପିର କିଛି ନେତା ହାଇଡ୍ରାମା କରୁଥିବା ବେଳେ ପୁରୀର ବିଜେପି ବିଧାୟକ ଜୟନ୍ତ ଷଡ଼ଙ୍ଗୀ ତାଙ୍କୁ କଡ଼ା ଜବାବ୍ ଦେଇଛନ୍ତି । ପରିକ୍ରମା ପ୍ରକଳ୍ପ ସପକ୍ଷରେ ବାହାରିଛନ୍ତି ବିଜେପି ବିଧାୟକ ଜୟନ୍ତ ଷଡ଼ଙ୍ଗୀ । ରାଜ୍ୟ ସରକାରଙ୍କ କ୍ଷେତ୍ରରେ ପୁରୀର ଅନେକ ବିକାଶ ହୋଇଛି । ଏବଂ ଆହୁରୀ ବିକାଶ ପଥେ ଆଗେଇ ଚାଲିଛି । ପୁରୀ ଶ୍ରୀ ମନ୍ଦିର ପରିକ୍ରମା ପ୍ରକଳ୍ପ ଆରମ୍ଭ ଦିନ ଠାରୁ ମୁଁ ସଂପୂର୍ଣ୍ଣ ସହଯୋଗ କରି ଆସିଛି । ତେଣୁ ବିକାଶ କ୍ଷେତ୍ରରେ ବାଧା ସୃଷ୍ଟି କରିବା ଠିକ୍ ନୁହେଁ ବୋଲି ଆଜି ଏକ ସାମ୍ବାଦିକ ସମ୍ମିଳନୀରେ ସିଧା ସିଧା କହିଛନ୍ତି ବିଜେପି ବିଧାୟକ ଜୟନ୍ତ ଷଡ଼ଙ୍ଗୀ । ବର୍ଷା ଦିନ ପୂର୍ବରୁ ପ୍ରକଳ୍ପ କାର୍ଯ୍ୟ ଶୀଘ୍ର ସାରିବାକୁ ଦାବି କରିଛନ୍ତି । ପୁରୀର ବିକାଶ ସାଂସଦ ପ୍ରାର୍ଥି ସମ୍ବିତ୍ ପାତ୍ରଙ୍କ ଦେହରେ ଯାଉନଥିବା ଜଣାପଡିଛି । ଯେତେ ବେଳେ ବିକାଶର କାର୍ଯ୍ୟ ଆରମ୍ଭ ହେଉଛି ସେତେବେଳେ ବିଜେପି ଦଳର ରାଷ୍ଟ୍ରିୟ ପ୍ରବକ୍ତା ସମ୍ବିତ୍ ପାତ୍ର ଏହାକୁ ରୋକିବା ପାଇଁ ହାଇଡ୍ରାମା କରୁଥିବା ନଜିର୍ ରହିଛି ତେଣୁ ପୁରୀବାସୀ ଏହାକୁ ଜାଣିବା ପରେ କାଳି ମାଡ଼ କରିଥିବା ମଧ୍ୟ ଜଣାପଡିଛି ।