ୟୁନିଟେକ ବିଦ୍ୟାଳୟରେ ବିଜ୍ଞାନ ମେଳା
ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ସହରରେ ଅବସ୍ଥିତ ୟୁନିଟେକ ବିଦ୍ୟାଳୟରେ ବିଜ୍ଞାନମେଳା ଅନୁଷ୍ଠିତ ହୋଇଯାଇଛି । ଏହି ବିଜ୍ଞାନମେଳାରେ ୩୬ ଜଣ ଛାତ୍ରଛାତ୍ରୀ ଭାଗ ନେଇଥିଲେ । ପ୍ରଥମରୁ ପଂଚମ ଶ୍ରେଣୀ ଛାତ୍ରଛାତ୍ରୀଙ୍କ ଦ୍ୱାର ବିଭିନ୍ ପ୍ରକଳ୍ପ ପ୍ରଦର୍ଶିତ ହୋଇଥିଲା । ଏଥିରେ ମୁଖ୍ୟ ଅତିଥି ଭାବେ ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ମୀଧର ବେହେରା ଯୋଗ ଦେଇଥିବା ବେଳେ, ବିଜ୍ଞାନ ନିରିକ୍ଷକ ଶରତ ସାହୁ ଯୋଗଦେଇ ଛାତ୍ରଛାତ୍ରୀମାନଙ୍କୁ ବିଜ୍ଞାନ ସମ୍ବଦ୍ଧିୟ ବିଭିନ୍ନ ଉପଦେଶ ଦେଇଥିଲେ । ବୁଦ୍ଧି ଜ୍ଞାନର ଗନ୍ତାଘର, ଅଭ୍ୟାସ ତାର ଚାବି ବୋଲି ମୁଖ୍ୟ ଅତିଥି ଶ୍ରୀଯୁକ୍ତ ବେହେରା କହିବା ସହ ବିଦ୍ୟାଳୟ ହେଉଛି ମଣିଷ ତିଆରି ପରୀକ୍ଷା ଗାର ବୋଲି କହିଥିଲେ । ବିଦ୍ୟାଳୟରେ ପ୍ରତ୍ୟେକ କାର୍ଯ୍ୟର ଶିକ୍ଷା ଦିଆଯାଏ । ଏହି ଅବସରରେ ଚଣ୍ଡିବସ୍ତ ଉଚ୍ଚ ବିଦ୍ୟାଳୟର ଅବସରପ୍ରାପ୍ତ ପ୍ରଧାନ ଶିକ୍ଷକ ମୃତ୍ୟୁଞ୍ଜୟ ମହାପାତ୍ର ଓ ବିଜ୍ଞାନ ଶିକ୍ଷକ ହେମନ୍ତ କୁମାର ପରିଡ଼ା ପ୍ରମୂଖ ଯୋଗ ଦେଇଥିଲେ । ୟୁନିଟେକ ବିଦ୍ୟାଳୟ ନିର୍ଦ୍ଦେଶକ ପ୍ରବୀର କୁମାର ପୃଷ୍ଟି ଏବଂ ଅଧ୍ୟକ୍ଷା ରୋଜାଲିନ ପାତ୍ର କାର୍ଯ୍ୟକ୍ରମକୁ ପରିଚାଳନା କରିଥିଲେ ।
