ସରପଂଚ ସ୍ୱାମୀଙ୍କ ମାଡ଼ରେ ନାଏବ ସରପଂଚଙ୍କ ସମେତ ଦୁଇ ଆହାତ
ନୟାଗଡ଼,(ବାଘୁଆବାର୍ତ୍ତା): ଭୂବନେଶ୍ୱର ଫେରନ୍ତାଙ୍କ ପାଇଁ ଆଜି କେନ୍ଦୁଢିପି ପଂଚାୟତରେ ଘଟିଛି ଲଙ୍କାକାଣ୍ଡ । ସରପଂଚ ସ୍ୱାମୀଙ୍କ ମାଡ଼ରେ ନାଏବ ସରପଂଚ ଏବଂ ଜଣେ ୱାର୍ଡ଼ ସଭ୍ୟାଙ୍କ ସ୍ୱାମୀ ଆହତ ହୋଇଛନ୍ତି । ସୂଚନାନୁସାରେ, ଆଜି କେନ୍ଦୁଢିପି ଗ୍ରାମକୁ ଭୂବନେଶ୍ୱରରେ ରହୁଥିବା ମଧୂସୁଦନ ସାହୁ ଫେରିଥିଲେ । କରୋନା ମହାମାରୀ ଭୟରେ ଗ୍ରାମବାସୀଙ୍କ ମତାମତରେ ନାଏବ ସରପଂଚ ଏବଂ ୱାର୍ଡ଼ ସଭ୍ୟାଙ୍କ ସ୍ୱାମୀ ତାଙ୍କୁ ନେଇ କେନ୍ଦୁଢିପି ବାଳିକା ଉଚ୍ଚ ବିଦ୍ୟାଳୟରେ ଥିବା କ୍ୱାରେଣ୍ଟାଇନ ସେଣ୍ଟରରେ ରଖିଥିଲେ । ଏନେଇ ଖବରପାଇ ଗ୍ରାମର ଆଶା କର୍ମୀ କ୍ୱାରେଣ୍ଟାଇନ୍ ସେଣ୍ଟରରେ ପହଂଚି ସରପଂଚ ମନା କରିଛନ୍ତି, ତାଙ୍କୁ ଏଠାରେ ରଖା ଯାଇ ପାରିବ ନାହିଁ ବୋଲି କହିଥିଲେ । ଫଳରେ ଏହି ଘଟଣାକୁ କେନ୍ଦ୍ର କରି ସଂନ୍ଧ୍ୟାରେ ସରପଂଚଙ୍କ ସ୍ୱାମୀ ଆରତ ବେହେରା ଏବଂ ନାଏବ ସରପଂଚ ଅରୂପ କୁମାର ସାହୁ ଓ ୱାର୍ଡ଼ ସଭ୍ୟାଙ୍କ ସ୍ୱାମୀ ଶଶଧର ବେହେରାଙ୍କର ବଚସା ହୋଇଥିଲା । ଏହି ବଚସାକୁ କେନ୍ଦ୍ର କରି ସରପଂଚଙ୍କ ସ୍ୱାମୀ ଆରତ ବେହେରା ଉଭୟଙ୍କୁ ନିସ୍ତୁକ ମାଡ଼ ମାରିଥିବା ଶଶଧର କହିଛନ୍ତି । ଆରତଙ୍କ ସହ ତାଙ୍କର କିଛି ସଂମ୍ପର୍କୀୟ ମଧ୍ୟ ମାଡ଼ ମାରିଥିବା ନେଇ ଶଶଧର ଗଚ୍ଚାମଧ୍ୟମ ଆଗରେ ପ୍ରକାଶ କରିଛନ୍ତି । ମାଡ଼ ଖାଇଥିବା ଶଶଧର ଏବଂ ଅରୂପଙ୍କୁ ଜିଲ୍ଲା ମୁଖ୍ୟ ଚିକତ୍ସାଳୟରେ ଭର୍ତ୍ତୀ କରାଯାଇଥିବା ବେଳେ ପ୍ରାଥମିକ ଚିକିତ୍ସା ପରେ ଅରୂପଙ୍କୁ ଡାକ୍ତରଖାନାରୁ ଛାଡ଼ା ଯାଇଛି । ଶଶଧରଙ୍କ ଅବସ୍ଥା ଗୁରୁତର ଥିବା ଜଣାପଡ଼ିଛି । ଏନେଇ ଇଟାମାଟି ଥାନା ଅଧିକାରୀଙ୍କୁ ପଚାରିବାରେ, ଗଣ୍ଡଗୋଳ ହୋଇଥିବା କହିଥିବା ବେଳେ ଏଯାଏଁ ଥାନାରେ କୈାଣସି ଅଭିଯୋଗ ହୋଇନଥିବା ପ୍ରକାଶ କରିଛନ୍ତି ।
