ମହାବୀର ଟିୟୁଟୋରିଆଲର ୨୨ ତମ ବାର୍ଷିକ ଉତ୍ସବ
ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଇଟାମାଟି ଠାରେ ଅବସ୍ଥିତ ମହାବୀର ଟିୟୁଟୋରିଆଲର ୨୨ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ଇଟାମାଟି ଶିକ୍ଷା ଓ ବୈଷୟିକ ମହାବିଦ୍ୟାଳୟ ପ୍ରାଙ୍ଗଣରେ ଅନୁଷ୍ଠିତ ଏହି ଉତ୍ସବରେ ମୁଖ୍ୟ ଅତିଥି ଭାବେ ରାଜ୍ୟ ସରକାରଙ୍କ କୃଷି ଓ କୃଷକ ସଶକ୍ତି କରଣ,ମତ୍ସ୍ୟ ଓ ପ୍ରାଣୀ ସଂପଦ ମନ୍ତ୍ରୀ ଡ. ଅରୁଣ କୁମାର ସାହୁ ଯୋଗଦେଇ ଏକାଗ୍ରତ ରହିଲେ ବିଶ୍ୱ ବିଜେତା ହେବ ବୋଲି ତାଙ୍କ ବକ୍ତବ୍ୟରେ କହିଛନ୍ତି । ଦୈନିକ ୨୪ ଘଣ୍ଟାରୁ ଏକ ଘଣ୍ଟା ଏଳାଗ୍ରତର ସହିତ ଯେକୈାଣସି କାର୍ଯ୍ୟ କରିବ ସେହି କାର୍ଯ୍ୟରେ ସମ୍ପୂର୍ଣ୍ଣ ସଫଳତା ପାଇବା ସହ ସାରା ବିଶ୍ୱକୁ ଜୟ କରି ହେବ । ସାଧାନା କର ସିଦ୍ଧି ଲାଭ କରିବ ବୋଲି ମନ୍ତ୍ରୀ ଡ. ସାହୁ ଛାତ୍ରଛାତ୍ରୀମାନଙ୍କ ଉଦ୍ଦେଶ୍ୟରେ କହିଥିଲେ । ଏକାଗ୍ରତ ପାଇଁ ମହାଭାରତରେ ବହୁ ବିରାଟ ଯୋଦ୍ଧା ଥିଲେ ମଧ୍ୟ ଅର୍ଜ୍ଜନ ହିଁ ଲାଖ ବିନ୍ଧି ପାରିଥିଲେ ବୋଲି ମନ୍ତ୍ରୀ ଉଦାହରଣ ଦେଇଛନ୍ତି । ଏହି କାର୍ଯ୍ୟକ୍ରମରେ ଇଟାମାଟି ଶିକ୍ଷା ଓ ବୈଷୟିକ ମହାବିଦ୍ୟାଳୟ ଅଧ୍ୟକ୍ଷ ଅଶୋକ କୁମାର ନାୟକ ସଭାପତିତ୍ୱ କରିଥିବା ବେଳେ ଅନୁଷ୍ଠାନର ସଭାପତି ରାମକୃଷ୍ଣ ଅଗ୍ରୱାଲ, ଉପସଭାପତି ସାରଦା ପ୍ରସାଦ ରାଉତରାୟ, ସଂପାଦକ ନକୁଳ ଚନ୍ଦ୍ର ଦାଶ, ବଂଶୀଧର ମହାବିଦ୍ୟାଳୟର ଅଧ୍ୟାପକ ଦିବାକର ରାଉତ ପ୍ରମୂଖ ଉପସ୍ଥିତ ଥିଲେ । ଅନୁଷ୍ଠାନର ମୁଖପତ୍ର ଦର୍ଶନକୁ ମୁଖ୍ୟ ଅତିଥି ଉନ୍ମୋଚିତ କରିଥିଲେ । ଶେଷରେ ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ଅଭିନେତ୍ରୀ ଜୁଲି କାର୍ଯ୍ୟକ୍ରମରେ ଯୋଗ ଦେଇ ଉତ୍ସାହିତ କରିଥିଲେ ।
