୩ ଗିରଫ, ଦୁଇ ଗାଡ଼ି ଜବତ
ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ସଦର ଅବକାରୀ ବିଭାଗ ତରଫରୁ ବିଭିନ୍ନ ସ୍ଥାନରେ ଚଢ଼ାଉ କରାଯାଇ ଦେଶୀ ମଦ ଜବତ କରାଯିବା ସହ ବ୍ୟାପକ ପୋଚ ନଷ୍ଟ କରାଯାଇଛି । ସୂଚନାନୁସାରେ, ଅବକାରୀ ବିଭାଗ ଶୁକ୍ରାବାଡ଼ି ଗ୍ରାମରେ ଚଢ଼ାଉ କରି ଗୋଟିଏ ମାରୁତି ଗାଡ଼ିରୁ ଦେଶୀ ମଦ ଜବତ କରିଥିବା ବେଳେ ଶୁକ୍ରାବାଡ଼ି ଜଙ୍ଗଲରୁ ବ୍ୟାପକ ପୋଚ ନଷ୍ଟ କରାଯାଇଛି । ଭିନ୍ନ ଭିନ୍ନ ଘଟଣାରେ ନିରଞ୍ଜନ ମହାପାତ୍ର, ଦିଲ୍ଲୀପ ମଣ୍ଡଳ, କେଦାରନାଥ ସାହୁଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ସେହିଭଳି ସେମାନଙ୍କଠାରୁ ଗୋଟିଏ ମାରୁତି କାର ଏବଂ ଗ୍ଲାମର ବାଇକ ଜବତ କରାଯାଇଥିବା ସଦର ଅବକାରୀ ଥାନା ଅଧିକାରୀ ପବିତ୍ର ମୋହନ ମାଝୀ ସୂଚନା ଦେଇଛନ୍ତି ।
