ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ରେ ଜୈନିକ ବୈଦ୍ୟୁତିକ ଗଣମାଧ୍ୟମର ପ୍ରତିନିଧି ଦଲାଲିର ସମସ୍ତ ସୀମା ଅତିକ୍ରମ କରିଛନ୍ତି । ଗଣମାଧ୍ୟମ ପ୍ରତିନିଧି ଭାବେ ଫାଇଦା ଉଠାଇ ସାଧାରଣ ଲୋକ ଏପରିକି ପୁଲିସ ବିଭାଗକୁ ମଧ୍ୟ ଚୂନ ମାରୁଛନ୍ତି । ଥାନାକୁ ଆସୁଥିବା ବିଭିନ୍ନ ମାମଲାର ରଫାଦଫା ପାଇଁ ଅଭିଯୋଗକାରୀ ଓ ଅଭିଯୁକ୍ତ ନିକଟରୁ ମୋଟା ଅଙ୍କର ମାଲ ପକାଉଛନ୍ତି । କେତେକ ଏସ.ଆଇ, ଏ.ଏସ.ଆଇ ନାମରେ ଟଙ୍କା ନେଇ ନୟାଗଡ଼ ସହରରେ ନିଜର ଧନ୍ଦା ବଢ଼ାଇ ଚାଲିଛନ୍ତି । ତାଙ୍କ ପାଇଁ ନୟାଗଡ଼ ପୁଲିସର ତଳିଆ କର୍ମଚାରୀ ବଦନାମ ହେଉଛନ୍ତି । ସଂପୃକ୍ତ କର୍ମଚାରୀମାନେ ଏସଡିପିଓ ଓ ଆଇଆଇସିଙ୍କ ନିକଟରେ ଅଭିଯୋଗ କଲେ ମଧ୍ୟ ସେମାନେ ଚୁପ ରହୁଛନ୍ତି । ବଡ଼ ଅଧିକାରୀଙ୍କ ଚୁପ ରହିବାର କାରଣ ଏହି ଧୂର୍ତ୍ତ ଦଲାଲ ସାମ୍ବାଦିକ ସଂପୃକ୍ତ ଅଧିକାରୀମାନଙ୍କୁ ମଦ ଓ ନାରୀ ସାହାର୍ଯ୍ୟରେ ସନ୍ତୁଷ୍ଟ କରିଛନ୍ତି । ଏପରିକି ସଂପୃକ୍ତ ସାମ୍ବାଦିକ ନୟାଗଡ଼ରେ ଦେହ ବ୍ୟବସାୟ ଆରମ୍ଭ କରି ଦେଇଥିବା ଜଣାଯାଇଛି । ସାମ୍ବାଦିକତା ଭଳି ପବିତ୍ର ବୃତ୍ତି ଏହି ଦଲାଲ ପାଇଁ ନୟାଗଡ଼ରେ କଳଙ୍କିତ ହେବାକୁ ଯାଉଥିବା ବେଳେ ପୁଲିସ ବିଭାଗ ଉପରକୁ ଲୋକ ଆଙ୍ଗୁଳି ଉଠାଇଲେଣି । କୋରେନା ଭାଇରସ୍ ଠାରୁ ଏହି ଦଲାଲ ଅଧିକ ଭୟଙ୍କର । ଯାହାଙ୍କ ପାଇଁ ନୟାଗଡ଼ରେ ସାମ୍ବାଦିକତା ରୋଗାଗ୍ରସ୍ତ ହୋଇଗଲାଣି । କେବଳ ପୁଲିସ ବିଭାଗ ନୁହେଁ ବିଭିନ୍ନ ଯନ୍ତ୍ରୀ, ଅଧିକାରୀ ଏବଂ ପ୍ରଶାସକଙ୍କୁ ବୁମ୍ ଭୟ ଦେଖାଇ ଏକ ରକମ ମାଫିଆ ଗିରି ଚଳାଇଛନ୍ତି । ସଂପୃକ୍ତ ଦଲାଲ ସାମ୍ବାଦିକଙ୍କ ନାମରେ ଜିଲ୍ଲା ବାହାରେ ଠକେଇ ମାମଲା ସହ ଅନ୍ୟ ଏକ ଥାନାରେ ଦୁଷ୍ମର୍ମ ମାମଲା ମଧ୍ୟ ରହିଛି । ସଂପୃକ୍ତ ସାମ୍ବାଦିକଙ୍କୁ ଗିରଫ କରିଥିବା ଥାନା ଅଧିକାରୀ ଏବେ ନୟାଗଡ଼ ଜିଲ୍ଲାରେ ରହି ତାଙ୍କ କଳାକାରନାମା ପ୍ରତି ମଧ୍ୟ ଆଖିବୁଜି ଦେଇଛନ୍ତି । ଏହି କଳଙ୍କିତ ଚରିତ୍ରର ସାମ୍ବାଦିକକୁ ନୟାଗଡ଼ ଜିଲ୍ଲା ପୁଲିସ ପ୍ରଶାସନର ବଡ଼ ମୁଣ୍ଡିଆଳମାନେ କାହଁକି ଏତେ ଅନୁକମ୍ପା ଦେଖାଉଛନ୍ତି ତାହା ସନ୍ଦେହ ଘେରରେ । ଏହି ଦଲାଲ ସାମ୍ବାଦିକ ନିକଟରେ ବଡ଼ ପୁଲିସ ବାବୁଙ୍କର କିଛି କାରନାମାର ଭିଡିଓ ଥିବାରୁ ସେମାନେ ପାଟି ବନ୍ଦ କରି ରହୁଥିବା ଜଣାଯାଇଛି । ବିନା କାରଣରେ ନୟାଗଡ଼ର କର୍ତ୍ତବ୍ୟରତ ସାମ୍ବାଦିକମାନେ ଏହି ଦଲାଲ୍ ସାମ୍ବାଦିକ ପାଇଁ ବଦନାମ ହେଉଛନ୍ତି । ତଳିଆ ପୁଲିସ କର୍ମଚାରୀଙ୍କ ନାମରେ ଏହି ଦଲାଲ ଟଙ୍କା ପକାଉଥିବାରୁ ସେମାନେ ମଧ୍ୟ ତ୍ରାହି ତ୍ରାହି ଡାକିଲେଣି । ଜୈନିକ ତଳିଆ ପୁଲିସ କର୍ମଚାରୀଙ୍କ କହିବାନୁସାରେ, ମୁଁ ବାରମ୍ବାର ଏନେଇ ଆଇଆଇସିଙ୍କୁ ଜଣାଇଥିଲେ ମଧ୍ୟ ଆଇଆଇସି ତାକୁ ମୁଣ୍ଡରେ ବସାଇବା ଉଦବେଗର ବିଷୟ । ବେଳ ଥାଉ ଥାଉ ନୟାଗଡ଼ ଜିଲ୍ଲା ପୁଲିସ ପ୍ରଶାସନ ଏଥିପ୍ରତି ଧ୍ୟାନ ନଦେଲେ ଆଗକୁ ବଡ଼ ଅଡ଼ୁଆ ପରିସ୍ଥିତି ସୃଷ୍ଟି ହେବ । ଯେଉଁ ପୁଲିସ ଅଧିକାରୀମାନେ ଏବେ ଏହି ସାମ୍ବାଦିକଙ୍କୁ କୋଳରେ ବସାଉଛନ୍ତି, ସେହି କୋଳରେ ଉକ୍ତ ବ୍ୟକ୍ତି ଯେତେବେଳେ ମଳତ୍ୟାଗ କରିବେ, ସେତେ ବେଳକୁ ଉକ୍ତ ବିଭାଗ ଦୁର୍ଗନ୍ଧ ମୟ ହୋଇ ସାରିଥିବ ।
ପୁଲିସ ନାଁରେ ଚୂନ ଲଗାଉଥିବା ସାମ୍ବାଦିକ କିଏ?
