ନୟାଗଡ଼, (ବାଘୁଆବାର୍ତ୍ତା) : ରାଜ୍ୟ ସରକାର ବନ୍ୟଜନ୍ତୁ ଆଇନକୁ କଡ଼ାକଡ଼ି ଭାବେ ପାଳନ କରିବା ପାଇଁ ବହୁ ବର୍ଷ ପୂର୍ବରୁ ନିୟମ ଆଣିଥିବା ବେଳେ କୈାଣସି ଜଗଲ ଜନ୍ତୁଙ୍କୁ ସଂଗରୋଧ କରି ଗୃହ ପାଳିତ ଭାବେ ପାଳନ କରାଯାଇ ପାରିବ ନାହିଁ ବୋଲି ଆଇନ ଆଣିଛନ୍ତି । ଏହି ନିୟମରେ ଖିଲାପ କାରୀଙ୍କୁ ବିରୁଦ୍ଧରେ ଦୃଢ଼ କାର୍ଯ୍ୟନୁଷ୍ଠାନ ଗ୍ରହଣ କରିବାକୁ ବନ ବିଭାଗକୁ ଅଖଣ୍ଡ କ୍ଷମତା ପ୍ରାପ୍ତ କରିଛନ୍ତି ।ନୟାଗଡ଼ ଜିଲ୍ଲାରେ ଗତ କିଛିମାସ ତଳେ ପୁଲିସ ପୁଲିସ ଖେଳ ଦେଖିବାକୁ ମିଳିଥିଲା । ବାଣିଗୋଚ୍ଛା ଥାନା ଓ ଭୂବନେଶ୍ୱର ଚନ୍ଦ୍ରଶେଖରପୁର ଏଏସ୍ଆଇଙ୍କ ମଧ୍ୟରେ ଖେଳ ଚାଲିଥିଲା । ବର୍ତ୍ତମାନ ଏକ କୋଟରାକୁ ନେଇ ବନ ବିଭାଗ ଓ ପୁଲିସ ଖେଳ ଜିଲ୍ଲାରେ ଚର୍ଚ୍ଚା ସୃଷ୍ଟି କରିଛି। ସୂଚନାନୁସାରେ, କୈାଣସି ସୁତ୍ରରୁ ଖବର ପାଇ ଆଜି ସକାଳୁ ଦଶପଲ୍ଲା ବନବିଭାଗ ପକ୍ଷରୁ କୋଟରା ଜବତ କରିବା ପାଇଁ ଚଢ଼ାଉ କରାଯାଇଥିଲା । ଏହି ଚଢ଼ାଉରେ ଟାକେରା ବନପାଳ ମନୋଜ କୁମାର ସେଠୀ, ପୋଖରୀଗୋଚ୍ଛା ବନପାଳ ରାକେଶ ସାହୁ, ବାଣିଗୋଚ୍ଛା ବନପାଳ ଜଗନ୍ନାଥ ସାହୁ, ଟାକେରା ବନରକ୍ଷୀ ଅବିନାସ ସେନାପତି ସାମିଲ ହୋଇଥିଲେ । ଟାକେରା ସେକ୍ସନ ଅନ୍ତର୍ଗତ କୁଲୁରୁକୁମ୍ପା ପଂଚାୟତ ଟାଙ୍ଗନାଡ଼ି ଗ୍ରାମରେ ବନ କର୍ମଚାରୀମାନେ ଚଢାଉ କରି ଏକ କୋଟରା ଉଦ୍ଧାର କରିଥିଲେ । ନୟାଗଡ଼ ବନଖଣ୍ଡ ଅଧିକାରୀ ଧନରାଜ ଏଚ୍.ଡିଙ୍କ ସୂଚନାନୁସାରେ, ଟାଙ୍ଗନାଡ଼ି ଗ୍ରାମର ଚାଷୀ ପଦ୍ମଚରଣ ମାଝୀଙ୍କ ଘରୁ ଉକ୍ତ କୋଟରାକୁ ଜବତ କରାଯାଇଛି । ତଦନ୍ତବେଳେ ଉକ୍ତ ଚାଷୀ ବାଣିଗୋଚ୍ଛା ଥାନାରୁ କୋଟରାକୁ ଆଣିଥିବା ନେଇ ବନଖଣ୍ଡ ଅଧିକାରୀ ପ୍ରକାଶ କରିଛନ୍ତି । ସାତଦିନ ଧରି ଏହି କୋଟରାଟିକୁ ପଦ୍ମଚରଣ ତାଙ୍କ ଘରେ ରଖିଥିଲେ । ବନବିଭାଗ ପକ୍ଷରୁ ତଦନ୍ତ ଜାରି ରହିଛି ବୋଲି ସେ ସୂଚନା ଦେଇଛନ୍ତି । ଏଠି ପ୍ରଶ୍ନ ଉଠୁଛି ବାଣିଗୋଚ୍ଛା ଥାନାର କେଉଁ ଅଧିକାରୀ ସାମିଲ ଅଛନ୍ତି । ଅନ୍ୟପକ୍ଷରେ ପଦ୍ମଚରଣ ପାଳିଥିବା କୋଟରାକୁ ବାଣିଗୋଚ୍ଛା ଥାନା ଅଧିକାରୀ ତାଙ୍କୁ ଦେଇଥିବା ନେଇ ଚର୍ଚ୍ଚା ହେଉଛି । ଯାହାକୁ ନେଇ ତଳିଆ କର୍ମଚାରୀ କୋଟରା ଉଦ୍ଧାର କରିବା ପରେ ଏବେ ମୁହଁ ଖୋଲିୁ ନାହାନ୍ତି । ସଂପୃକ୍ତ ଚାଷୀ ଦେଇଥିବା ବୟାନୁସାରେ, ବନଖଣ୍ଡ ଅଧିକାରୀ ପକୃତ ଦୋଷୀ ପାଖରେ ପହଂଚିପାରିବେ ନା ନାହିଁ ତାକୁ ନେଇ ଚର୍ଚ୍ଚା ଜୋର ଧରିଛି । ନା’ ମାର ମାର ନ୍ୟାୟରେ ଭଣ୍ଡାରିଆକୁ ମାରିବା ନୀତିରେ ପଦ୍ମଚରଣକୁ ଫସା ଯାଉଛି, ଏହାକୁ ନେଇ ମଧ୍ୟ ଆଲୋଚନା ହେଉଛି । ପୁଲିସ ଓ ବନବିଭାଗ ଖେଳରେ କାହାର ଜିତାପଟ ହେଉଛି ସଂପୃକ୍ତ ଜିଲ୍ଲାବାସୀ ଅପେକ୍ଷା କରିଥିବା ବେଳେ ବିଚରା କୋଟରା ଏବେ ସଂଗରୋଧରେ ।
ପୁଲିସ ବନ ବିଭାଗ ଖେଳ, ସଂଗରୋଧରେ କୋଟରା
