ଝୁମିଲେ, ନାଚିଲେ ଦର୍ଶକ
ନୟାଗଡ଼, (ବାଘୁଆବାର୍ତ୍ତା) : ନୟାଗଡ ପୁରୁଣା ସହରଠାରେ ଅନୁଷ୍ଠିତ ୧୬ତମ ବୋଇତ ବନ୍ଦାଣ ଉତ୍ସବ ଶେଷ ସଂନ୍ଧ୍ୟାରେ ମୁଖ୍ୟ ଅତିଥି ଭାବେ ନୟାଗଡ଼ ବିଧାୟକ ତଥା ରାଜ୍ୟ ସରକାରଙ୍କର କୃଷି ଓ କୃଷକ ସସକ୍ତିକରଣ, ମତ୍ସ ଓ ପ୍ରାଣୀ ସଂପଦ ଏବଂ ଉଚ୍ଚ ଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ ଯୋଗ ଦେଇଥିବା ବେଳେ ନୟାଗଡ଼ ପୂର୍ବତନ ନଗରପାଳ ଗୁରପ୍ରସାଦ ଜେନା, କେନ୍ଦ୍ର ସମବାୟ ବ୍ୟାଙ୍କ ସଭାପତି, ଲୋକନାଥ ସାହୁ ଅନୁଷ୍ଠାନର ସଭାପତି କିସାନ୍ ଦାଶ ଯୋଗ ଦେଇଥିଲେ । ବୋଇତ ବନ୍ଦାଣ ଉତ୍ସବରେ ମେଲୋଡ଼ୀ ଗୀତ ମିଲନ, ପୁରୀର ରଙ୍ଗଶାଳା ସାଂସ୍କୃତିକ କାର୍ଯ୍ୟକ୍ରମ ଦର୍ଶକଙ୍କ ମନମୋହିଥିଲେ । ପ୍ରାରମ୍ଭରେ କୁନିକୁନି କଳାକାର ମାନଙ୍କ ଦ୍ୱାରା ବିଭିନ୍ନ ନୃତ୍ୟ ପରିବେଷଣ କରାଯାଇଥିଲା । ଶେଷ ସଂନ୍ଧ୍ୟାରେ ଗାୟୀକା ଦୀପ୍ତିରେଖାଙ୍କ ସଂଗୀତର ସୁର ମହ୍ଲାରରେ ହଜାର ହଜାର ଦର୍ଶକ ଝୁମିଲେ, ନାଚିଲେ ।
