ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜଙ୍ଗଲ ସୁରକ୍ଷା ମହାସଂଘ ଆନୁକୁଲ୍ୟରେ ନୟାଗଡ଼ ସନ୍ନିକଟ କଇଥଗାଡ଼ିଆ କଲ୍ୟାଣ ମଣ୍ଡପ ଠାରେ ପ୍ରଖ୍ୟାତ ପରିବେଶବିତ ଶ୍ରମିକ ଯୋଗୀଙ୍କ ୭ମ ଶ୍ରାଦ୍ଧ ଦିବସ ଶତାଧିକ ପରିବେଶ କର୍ମୀ ଓ ସମାଜସେବୀଙ୍କ ଗହଣରେ ସମାରୋହରେ ପାଳିତ ହୋଇଯାଇଛି । ମହାସଂଘର ସଭାପତି ଶରତ କୁମାର ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମାରୋହରେ ମୁଖ୍ୟ ଅତିଥି ଭାବେ ଶିକ୍ଷାବିତ ଡ.ବିଜୟ କୁମାର ଚୌଧୁରୀ ଶ୍ରମିକ ଯୋଗୀଙ୍କ ତ୍ୟାଗପୁତ ଜୀବନ ଉପରେ ଆଲୋକପାତ କରି ନୟାଗଡ଼ରୁ ଆରମ୍ଭ କରି ବିଶ୍ୱସ୍ତର ପର୍ଯ୍ୟନ୍ତ ପରିବେଶ ସୁରକ୍ଷା ଦିଗରେ ତାଙ୍କର ଏକନିଷ୍ଠ ଉଦ୍ୟମ ଉପରେ ଆଲୋଚନା କରିଥିଲେ । ଜଙ୍ଗଲ ସୁରକ୍ଷା ଦିଗରେ ତାଙ୍କର ଉଦ୍ଭାବନ ଠେଙ୍ଗାପାଳି କିପରି ବିଦେଶରେ ମଧ୍ୟ ଆଦୃତ୍ତ ହୋଇଥିଲା । ତାହା ବିଶଦଭାବେ ବର୍ଣ୍ଣନା କରିଥିଲେ । ଅନ୍ୟ ମାନଙ୍କ ଭିତରେ ସମାଜସେବୀ ତଥା ଶ୍ରମିକ ନେତା ବିଶ୍ୱନାଥ ମହାପାତ୍ର, ସମାଜସେବୀ ଦାମୋଦର ସାହୁ, ଶିକ୍ଷାବିତ ଗୋଦାବରୀଶ ମିଶ୍ର, ସଂପାଦକ ନିତ୍ୟାନନ୍ଦ ପ୍ରଧାନ, ପରିବେଶବିତ ପ୍ରଦୀପ୍ତ ପଟ୍ଟନାୟକ, ଅକ୍ରୁର ବେହେରା, ଅଲେଖ ନାୟକ, ଶ୍ରୀବତ୍ସ ପଣ୍ଡା, ଅନ୍ତର୍ଯ୍ୟାମୀ ମିଶ୍ର, କିଶୋର ଦଳବେହେରା, ଭରତ କହଁର, ବିଭିଷଣ ନାୟକ, ଆନନ୍ଦଚନ୍ଦ୍ର ନାୟକ, ମାଧବଚନ୍ଦ୍ର ଦାସ, ସତ୍ୟବାଦୀ ସ୍ୱାଇଁ, ରେଣୁବାଳା ସୁବୁଦ୍ଧି, ସୁକାନ୍ତ ଚୌଧୁରୀ ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ । ବିଶିଷ୍ଟ ପରିବେଶବିତ ରାମକୃଷ୍ଣ ସାହୁ(ସମ୍ଭବ)ଙ୍କୁ ଏହି ଅବସରରେ ମାନପତ୍ର ସହିତ ସମ୍ବର୍ଦ୍ଧିତ କରାଯାଇଥିଲା । ପରିଶେଷରେ ପ୍ରାକ୍ତନ ଶିକ୍ଷକ ଭଗବାନ ସାହୁ ଧନ୍ୟବାଦ ଅର୍ପଣ କରିଥିଲେ ।
ଶ୍ରମିକ ଯୋଗୀଙ୍କ ଶ୍ରାଦ୍ଧ ଦିବସ ପାଳିତ
