ନିଖିଳ ଉତ୍କଳ କଂସାରି ସମାଜର କାର୍ଯ୍ୟକାରିଣୀ ବୈଠକ ଅନୁଷ୍ଠିତ

ନୟାଗଡ଼, (ବାଘୁଆବାର୍ତ୍ତା): ରାଜ୍ୟ ନିଖିଳ ଉତ୍କଳ କଂସାରି ସମାଜ କାର୍ଯ୍ୟକାରିଣୀ ବୈଠକ ଖଣ୍ଡପଡ଼ା ରୋଡ଼ସ୍ଥିତ ରୋଟାରି କ୍ଲବ ଠାରେ ଅନୁଷ୍ଠିତ ହୋଇଯାଇଛି । ରାଜ୍ୟ କାର୍ଯ୍ୟକାରି ସଭାପତି ଅଖିଳ କୁମାର ମହାରଣା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଉକ୍ତ ବୈଠକରେ ପୂର୍ବ ଅଧିବେଶନର ବିବରଣି ପଠନ କରିବା ସହ ଗୃହିତ ପ୍ରସ୍ତାବ ଉପରେ କାର୍ଯ୍ୟକ୍ରମ ପାଇଁ ଆଲୋଚନା କରାଯାଇଥିଲା । ରାଜ୍ୟସ୍ତରୀୟ ସଂଗଠନ କିପରି ସୁଦୃଢ଼ ହେବ ଏବଂ ସମାଜର ସୁବିଧା ଅସୁବିଧା ଉପରେ ଆଲୋଚନା କରାଯାଇଥିଲା । ଆଗାମୀ ଦିନରେ କଂସାରି ମାନଙ୍କର ବିଭିନ୍ନ ସମସ୍ୟା ନିମନ୍ତେ ଆଗାମୀ ଦିନରେ ରାଜ୍ୟ ସରକାରଙ୍କୁ ଅବଗତ କରାଯିବ ବୋଲି ଆଲୋଚନା କରାଯାଇଥିଲା । ଉକ୍ତ ବୈଠକରେ ସାଧାରଣ ସମ୍ପାଦକ ମହେନ୍ଦ୍ର କୁମାର ମହାରଣା, ଉପ ସଭାପତି ପ୍ରଭୁ ନାରାୟଣ ମହାପାତ୍ର, ସହସମ୍ପାଦକ ସୁରେନ୍ଦ୍ର ସାହୁ ଓ ସାଙ୍ଗଠନିକ ସମ୍ପାଦକ ଶ୍ରୀପତି ମହାରଣା ପ୍ରମୁଖ ଉପସ୍ଥିତ ରହିଥିଲେ । ଏତଦ୍ ବ୍ୟତିତ ବିଭିନ୍ନ ଜିଲ୍ଲାରୁ ବିଭିନ୍ନ କର୍ମକର୍ତ୍ତା ଉକ୍ତ ବୈଠକରେ ଯୋଗ ଦେଇଥିଲେ ।