କାଳିଦାସ ସାହିତ୍ୟରେ ସମାଜ ଚେତନା ଆଲୋଚନା ଅନୁଷ୍ଠିତ

ନୟାଗଡ଼, (ବାଘୁଆବାର୍ତ୍ତା): ନୂଆଗାଁ ବ୍ଲକ ଅନ୍ତର୍ଗତ ଗତିଶ୍ୱର ସ୍ନାତକ ମହାବିଦ୍ୟାଳୟରେ ସଂସ୍କୃତ ବିଭାଗ ଆନୁକୁଲ୍ୟରେ ଏକ ଜାତୀୟ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି । ‘କାଳିଦାସ ସାହିତ୍ୟରେ ସମାଜ ଚେତନା’ ଶୀର୍ଷକ ଏହି ଆଲୋଚନା ଚକ୍ରରେ ଜାତୀୟ ସଂସ୍କୃତ ବିଶ୍ୱବିଦ୍ୟାଳୟ ର ସାହିତ୍ୟ ବିଭାଗର ପ୍ରଫେସର ଭାରତ ଭୂଷଣ ରଥ ମୁଖ୍ୟ ଅତିଥି ଭାବରେ ଯୋଗଦେଇ କାଳିଦାସଙ୍କ ସାହିତ୍ୟ କୁ ବିଜ୍ଞାନ ସହିତ ତୁଳନା କରିଥିଲେ । ପ୍ରଧାନି ବୃନ୍ଦାବନ ମହାପାତ୍ର ମୁଖ୍ୟ ବକ୍ତା ଭାବରେ ଯୋଗ ଦେଇଥିଲେ । ମହାବିଦ୍ୟାଳୟର ଅଧ୍ୟକ୍ଷ ସୁଶାନ୍ତ କୁମାର କର ସଭା ପରିଚାଳନା କରିଥିବା ବେଳେ ସଂସ୍କୃତ ବିଭାଗ ମୁଖ୍ୟ ସୁଶାନ୍ତ କୁମାର ମାଝୀ ଅତିଥି ମାନଙ୍କର ପରିଚୟ ପ୍ରଦାନ କରିଥିଲେ । ନୟାଗଡ଼ ଜିଲ୍ଲାର ବିଭିନ୍ନ ମହାବିଦ୍ୟାଳୟ ମାନଙ୍କରୁ ଉପସ୍ଥିତ ଥିବା ଅଧ୍ୟାପକ ଅଧ୍ୟାପିକା ମାନେ ସ୍ୱ ରଚିତ ପ୍ରବନ୍ଧ ପାଠ କରିଥିଲେ । ମହାବିଦ୍ୟାଳୟର ସମସ୍ତ କର୍ମଚାରୀ ଅଧ୍ୟାପକ ଅଧ୍ୟାପିକା ଏଥିରେ ସହେଯୋଗ କରିଥିଲେ । ଶେଷରେ ଶିକ୍ଷା ବିଭାଗର ମୁଖ୍ୟା ଅରୁଣିମା ମିଶ୍ର ଅତିଥି ମାନଙ୍କୁ ଧନ୍ୟବାଦ ଅର୍ପଣ କରିଥିଲେ ।