ଜୟପୁରର ମହିଳାଙ୍କ ଆର୍ଥିକ ଶକ୍ତି ହେବାକୁ ଯାଉଛି ମିଶନ ଶକ୍ତି କାଫେ

କୋରାପୁଟ, (ବାଘୁଆବାର୍ତ୍ତା): ମିଶନ ଶକ୍ତି ଏବେ ଜୟପୁରର ମହିଳାଙ୍କ ଆର୍ଥିକ ଶକ୍ତି ହେବାକୁ ଯାଉଛି। ମିଶନ ଶକ୍ତି କାଫେ ଏକ ଅଭିବନ ଉଦ୍ୟମ ଯାହାକି ମହିଳାଙ୍କ ପାଇଁ ରୋଜଗାରର ବାଟ ଖୋଲିଛି। ଜୟପୁର ଟାଉନ ହଲ ନିକଟରେ ଥିବା ବିଜୁ ଚିତ୍ତବିନୋଦନ କେନ୍ଦ୍ର ପରିସରରେ ଉଦଘାଟିତ ହୋଇଯାଇଛି ମିଶନ ଶକ୍ତି କାଫେ। ମୁଖ୍ୟଅତିଥିଭାବେ ଜୟପୁର ବିଧାୟକ ତାରାପ୍ରସାଦ ବାହିନୀପତି ଯୋଗଦେଇ ମିଶନ ଶକ୍ତି କାଫେକୁ ଉଦଘାଟନ କରିଥିଲେ। ଜିଲ୍ଲାପାଳ ଅବଦୁଲ ମହମ୍ମଦ ଆକ୍ତର, ପିଡ଼ି ଡ଼ିଆରଡ଼ିଓ ହେମକାନ୍ତ ସାୟ ପ୍ରମୁଖ ଉପସ୍ଥିତ ଥିଲେ। ପରେ ସମସ୍ତେ ଖାଦ୍ୟର ମଜା ଉଠାଇଥିଲେ। ପାର୍କରେ ଆଦିବାସୀ କୁଡ଼ିଆ, ଫେଭରବୁକ ପାଥୌ, ଆଇ ଲଭ ୟୁ ଜୟପୁର ଲେଖାଥିବା ଦୃଶ୍ୟକୁ ସମସ୍ତେ ବୁଲି ଦେଖିଥିଲେ। ଆଗାମୀ ଦିନରେ ମିଶନ ଶକ୍ତି କାଫେରେ କୋରାପୁଟ କଫି ବିକ୍ରି କରାଯିବ ବୋଲି ଜିଲ୍ଲାପାଳ ସୂଚନା ଦେଇଛନ୍ତି।